Nyanndra Mun 6:23 - NYANMIƐN NDƐ'N 1998

²³ Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Nyanndra Mun 6:23 ပူးပေါင်းရင်းမြစ်များ

Bo Bolɛ 39:8

Zozɛf ɔ'a kplin-man su. Ɔ seli bla'n kɛ: «Ɔ bɔbɔ a si kɛ like nga n yo i awlo'n nun'n, min min'n usa-man min nun. Ɔ fɛli i sa nun ninnge'n kwlaa wlali mín sa nun.

Jue Mun 119:105

Ɔ ndɛ'n ɔ ti kɛ kannin sa, ɔ kpaja min bo. Ɔ kpaja min nyrun atin'n su weiin.

Jue Mun 119:130

Sran ng'ɔ wun ɔ ndɛ'm be wlɛ'n, i nyin'n uke. Sran nga be bɔbɔ be kwla uka-man bé wun'n, ɔ man be ngwlɛlɛ.

Jue Mun 141:5

Sɛ sran nga a bu i sran kpa'n ɔ bo min'n, fɛ yɛ ɔ yo min-ɔn. Sɛ ɔ tu min fɔ'n, n kplin su. Nɛnnɛn yɛ ɔ su di min-ɔn. Klunwifuɛ mun'n, kannzɛ be yo sa tɛtɛ mun sɛ'n, n su yaci-man ɔ srɛlɛ bɔ n srɛ man be'n .

Jue Mun 19:8

Anannganman i mmla'n, fiɛn kaan sa nun-mɛn i wun. Kɛ sran'n i wunmiɛn'n wie'n, ɔ mɛn i uflɛ. Anannganman i like ng'ɔ kle'n be ti nanwlɛ. Be kle sran ng'ɔ si-man sa'n i ngwlɛlɛ.

Nyanndra Mun 10:17

Sran nga bɔ be tu i fɔ-ɔ ɔ fa sie i klun'n, muae cɛ yɛ ɔ fite su-ɔ. Yɛ sran nga kusu bɔ be kpɛn i su-ɔ ɔ kpiti-man'n, ɔ ti mlinfuɛ.

Nyanndra Mun 15:24

Sran ng'ɔ si ngwlɛlɛ'n ɔ fa atin nga be fa su-ɔ, be nyan nguan'n. Ɔ fa-man blɔlɔ liɛ'n su .

Nyanndra Mun 15:31

Sran nga be man i afɔtuɛ kpa b'ɔ fɛ i su sie i bo'n, be kwla fɛ i be wlɛ i ngwlɛlɛfuɛ'm be nun.

Nyanndra Mun 29:15

Nyantiaan'n nin fɔ tulɛ'n be kle ngwlɛlɛ, sanngɛ ba nga bɔ i bɔbɔ yɛ ɔ sie i wun'n, ɔ guɛ i nin nyin ase.

Nyanndra Mun 3:18

Be nga be nyɛn i'n, ɔ man be nguan.

Nyanndra Mun 4:13

Like nga be kle wɔ'n, tra nun kpa, nán yaci nun. Fa sie, afin i yɛ ɔ ti ɔ nguan nyanman nin-ɔn.

Nyanndra Mun 4:4

Mín si'n kleli min ngwlɛlɛ, ɔ seli min kɛ yoo: «Min ndɛ nga n kan kle wɔ'n, man be tran ɔ klun. Mín nuan su ndɛ nga n kan be'n, sɛ a di su'n a lɛ nguan.

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Akunndanfuɛ'n 7:5

Kɛ n ko sie mín su sinnglinfuɛ i manmanlɛ jue'n i bo'n, ɔ flunman kɛ n tie afɔtuɛ ndɛ nga ngwlɛlɛfuɛ'n kan kle min'n.

Ezai 8:20

amun `se kɛ: «Anannganman i mmla'n nin i nuan ndɛ'n yɛ be di su-ɔ.» Sran nga b'a kan-man sɔ'n, be su nyan-man nguan.

Zeremi 21:8

Se nvle nunfuɛ'm be kɛ: «Anannganman'n wan yoo: ‹N fa nguan atin'n nin wie atin'n n fa sie amun nyrun.

Ezekiɛl 20:11

N fali mín nuan su ndɛ nin min mmla'n n kleli be kɛ ɔ ´yo nan be nga be fa su'n b'a nyan nguan'n ti.

Saun Yolɛ 19:17

Nán amun niaan i kpɔlɛ ndɛ sa ɔ tran amun klun. Kɛ ɔ ko yo nan i dunman nun ti amu'an yo-man tɛ'n, sɛ ɔ yo amun sa'n, nán amun sisi amún bo, ndɛ nga amun wun i'n, amun kan kle i.

2 Piɛr 1:19

Ɔ man e wunnin Nyanmiɛn nuan ijɔfuɛ'm be ndɛ nga be kannin'n i wlɛ kpa. Sɛ an fa amún nyin sie su kpa'n, ɔ ti kpa, afin ɔ ti kɛ kannin b'ɔ kpaja lika tuun wie nun sa lele fa ju aliɛ njɛnniɛn kɔmin su, yɛ awuɛ nzraama'n ɔ ´fite, ɔ ´yi sa'm bé nyin weiin kle amun.

Sa nglô yile 2:5

An `bu amun wafa nga an ti laa'n i akunndan, an `kaci amun nzuɛn'n, nan an `yo sa kunngba nga an yoli i bo bolɛ nun'n. Sɛ amu'an kaci-man amun nzuɛn'n, n ´to amun lɔ, n ´yi amún kannin'n lɛ.