22 Kɛ a ´nanti sin'n, be yɛ be ´sasa wɔ-ɔ, kɛ a ´lafi'n, be yɛ be ´nian wɔ su-ɔ, kɛ a ´lafi tinnge'n, be ´kle wɔ ngwlɛlɛ.
N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.
N jaso kɔnguɛ, m bu ɔ ndɛ nga a kan be'n be akunndan.
Sa nga a fa be sie min nyrun'n be yo min fɛ lele tratra su, be ti kɛ min afɔtuɛ manfuɛ sa.
Kɛ bɔ n ti kɛ aofuɛ sa ti'n, sa nga a kle be mun'n yɛ be ti min jue yɛ n to-ɔ.
?Ɔ yo sɛ yɛ gbanflɛn kun annzɛ talua kun kwla yo saun-ɔn? San ɔ ´fa wɔ ndɛ nga a kan'n su.
Nanwlɛ n klo ɔ mmla'n dan. Cɛn ba'n kwlaa i yɛ m bu i akunndan sa mlɔnmlɔnmlɔn-ɔn.
N nian ɔ́ nuan ndɛ'n su yɛ n nanti-ɔ, i sɔ'n ti, kɛ n wun sa tɛtɛ yofuɛ'm be ninnge nga be yo be'n, n fa-man be atin'n su.
N la n lafi cɛ, kpɛkuun n tinnge, afin Anannganman suan mín bo.
Fa ɔ́ kannin'n blɛ min yɛ fa ɔ nanwlɛ'n wla min nun. Man ɔ́ kannin sɔ'n nin ɔ nanwlɛ'n be kle min atin nan n wɔ ɔ oka'n su lɔ, nan n wɔ kan a tran lɔ'n.
Akunndan'n man a su mlin-man. Ngwlɛlɛ'n ɔ ´nian ɔ su kɛ sran sa.