Nyanndra Mun 6:16 - NYANMIƐN NDƐ'N 1998

^16-19 Anannganman i nyin ci like nsiɛn: tutre kun, gblɛ kun, sran kunlɛ kun, sran wun akunndan tɛ bulɛ kun, sa tɛ yolɛ bɔ be fa cici bé ti'n kun, yɛ lalofuɛ ng'ɔ di-man ndɛ nanwlɛ'n. Sanngɛ kun ekun o lɛ bɔ i nyin ci i tra su, yɛlɛ sran ng'ɔ kpɛ lare yi i niaan nnyɔn be afiɛn'n.

Nyanndra Mun 6:16 ပူးပေါင်းရင်းမြစ်များ

2 Famiɛn Mun 21:16

Sran nga b'a yo-man sa bɔ Manase kunnin be'n, be sɔnnin kpa. Sɛ e ´kwla se'n, sran sɔ'm be mmoja'n yili Zerizalɛm klɔ'n i bue kun lele fa kpɛn i bue kun lɔ . Sa tɛ ng'ɔ yoli b'ɔ fali Zidafuɛ mun yili nun'n, bɔ ɔ'a yo-man Anannganman fɛ i li wo i ngunmin.

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 5:7

A nunnun ato buafuɛ mun. Anannganman waan nán i nyinma wun sran kunfuɛ mun nin ndrunmun difuɛ mun.

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 11:20

Be nga be klun akunndan'n ti-man kpa'n, Anannganman klun jɔ-man bé wun. Be nga be nzuɛn'n ti kpa'n, i sɔfuɛ mun yɛ i klun jɔ bé wun-ɔn.

Nyanndra Mun 12:22

Anannganman i nyin ci gblɛfuɛ mun. Be nga be di nanwlɛ'n be liɛ'n, i klun jɔ bé wun.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Nyanndra Mun 20:10

Jayɛbuɛ nin toe nnyɔn-nnyɔn nun tralɛ'n Anannganman i nyin ci i .

Nyanndra Mun 20:23

Jayɛbuɛ nga be ti-man nanwlɛ'n, be ti-man Anannganman liɛ'n su. Anannganman klo-man toe nga be fa di ndrunmun'n.

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Nyanndra Mun 3:32

Afin Anannganman nyin ci klunwifuɛ mun. I aenguɛ kusu yɛlɛ klun-ufuefuɛ mun.

Nyanndra Mun 30:18

Like nsan be tra min kpɛn. Sanngɛ kun ekun wo lɛ n wun-mɛn i wlɛ mlɔnmlɔn. Kun yɛlɛ atin nga anunman nyin fa b'ɔ fa tu sin nglo lɔ bɔ be wun-mɛn i osu'n. Kun ekun yɛlɛ wuo b'ɔ cuɛn i wun ase yɛbuɛ su bɔ be wun-mɛn osu'n. Kun ekun yɛlɛ atin nga mmeli'n fa b'ɔ fa sin jenvie'n su kɔ bɔ be wun-mɛn osu'n. Yɛ kun ekun yɛlɛ like ng'ɔ su yasua kun bo bɔ i ti yɛ ɔ kɔ bla i wun'n.

Nyanndra Mun 30:21

Like nsan yɛ be keje asiɛ nin-ɔn. Sanngɛ kun ekun o lɛ bɔ asiɛ'n kwla suɛn-mɛn i bo. Kun yɛlɛ kanga'n i mɛn sielɛ'n. Kun ekun yɛlɛ sinnglinfuɛ bɔ aliɛ bu i sa su'n. Kun ekun yɛlɛ bla ng'ɔ ti finfinfuɛ sanngɛ ɔ nyan bian ja'n. Yɛ i kun ekun yɛlɛ afanniɛn bla b'ɔ di i min bla'n i aja'n.

Nyanndra Mun 30:24

Nnɛn kanngan nnan be o asiɛ'n su. Be ngwlɛlɛ nga be si i'n ɔ ti dan.

Nyanndra Mun 30:29

Like nsan be o lɛ, be nantilɛ'n ɔ yo nyɛnmɛn, sanngɛ kun ekun o lɛ bɔ i nantilɛ'n ɔ yo nyɛnmɛn tra su. Kun yɛlɛ asɔmɔli b'ɔ ti nnɛn'm be famiɛn'n b'ɔ wanndi-man like fi nyrun'n. Kun ekun yɛlɛ nnɛn kpanngɔ bɔ b'a fɛ i su fulɛ like b'a wlɛwlɛ i wun'n, kun ekun yɛlɛ boli kpakpuɛ'n, yɛ kun ekun yɛlɛ famiɛn bɔ i sonja'm bɔ b'a yia b'ɔ su tiatia kɔ'n.

Nyanndra Mun 6:15

Cɛn nga sa ´tɔ i su'n, ɔ ti le kunngba. Be kunndɛ i ayre kusu-ɔ be su nyɛn-mɛn i. Awieliɛ tɛ'n yɛ ɔ ´wie i wia ba kunngba bo-ɔ.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Zeremi 26:15

Sanngɛ man amun wun i wlɛ kɛ sɛ amun kun min'n, wuun amu'an kun min ngbɛn, m'an yo-man sa, ɔ man kusu amun ´fɛ i su afɛ'n, amun o, klɔ nga o, i sufuɛ mun o, amun ´fɛ i su afɛ'n. Afin nanwlɛ, Anannganman'n yɛ ɔ sunmannin min amun sin kɛ n kan ndɛ sɔ'n kwlakwla n kle amun-ɔn.»

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Amɔs 1:3

Anannganman'n wan yoo: «Sirifuɛ nga be o Damas'n be sa tɛtɛ nga b'a yo'n sɔnnin. Bé wun ndɛ ng'ɔ o min klun'n ti-man blɛblɛ. Be jɔjɔli Galaadfuɛ'm be nun kɛ asiɛ nun fundanlɛ blalɛ wie yɛ b'a fa sin be su sa. Ɔ man e nin be y'a nyɛn i.

Amɔs 1:6

Anannganman'n wan yoo: «Filistifuɛ'm nga be o Gaza bé sa tɛtɛ nga b'a yo'n sɔnnin. Be trali nvle wunmuan kun be fa ko mannin Edɔmfuɛ mun. Ɔ man e nin be y'a nyɛn i.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Amɔs 2:1

Anannganman'n wan yoo: «Moabfuɛ'm bé sa tɛtɛ nga b'a yo'n sɔnnin. Be yrali Edɔm famiɛn'n i owie'n kɔlikɔlikɔli. Ɔ man e nin be y'a nyɛn i.

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Zakari 8:17

Nán an bu be wiengu wun akunndan tɛ. Nán an ta nda ngbɛn-ngbɛn. Min ciliɛ mun yɛ be o lɛ.» Anannganman b'ɔ sie mɛn wunmuan'n yɛ ɔ kan sɔ-ɔ.

Mmla'n 23:18

Nán Izraɛl yasua fi bo tekle. Bla'm be kusu nán man be bo tekle.

Mmla'n 24:4

bian klikli ng'ɔ dun mmua yrɛli i'n, ɔ lɛ-man atin kɛ ɔ ko fɛ i yo i yi ekun. Kɛ bɔ sran uflɛ nin i b'a la'n, ɔ'a yo fiɛn. Sɛ ɔ yo sɔ'n ɔ ti tete Anannganman nyrun. Nán amun saci asiɛ bɔ Anannganman amun Nyanmiɛn'n wa fa man amun'n.

Mmla'n 25:16

Be kwlaa nga be di ndrunmun'n, Anannganman amun Nyanmiɛn'n i nyin ci be.

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .