Nyanndra Mun 6:14 - NYANMIƐN NDƐ'N 1998

¹⁴ Gblɛ'n yɛ ɔ o i klun-ɔn. Sran wun akunndan tɛ'n yɛ ɔ sunnzun i liɛ titi-ɔ. Utre'n yɛ ɔ kpɛ i ba-a.

Nyanndra Mun 6:14 ပူးပေါင်းရင်းမြစ်များ

Jue Mun 140:2

Anannganman, de min sran tɛtɛ'm bé sa nun! Sran nga be yo sran'm be sa kekleekle'm be ti, sasa min.

Jue Mun 140:3

Be liɛ'n, sa tɛ'n i akunndan yɛ be sunnzun i be klun lɔ-ɔ. Cɛn kwlaa alɛ ba yɛ be kpɛ-ɔ.

Jue Mun 36:4

Ato bualɛ'n nin sran'm be lakalɛ'n yɛ ɔ wo i nuan'n nun-ɔn. Ɔ bu-man sa kpa yolɛ'n i akunndan bɔ kaan sa.

Nyanndra Mun 14:22

?Be nga be bu sa tɛ'n i akunndan'n, be mlin-man? Sran kpa'm be liɛ'n be klun ti ufue yɛ be di nanwlɛ.

Nyanndra Mun 16:27

Sran tɛ'n ɔ bu akunndan tɛ, i nuan nun ndɛ'n ti kɛ sin sa.

Nyanndra Mun 17:20

Sran ng'ɔ ti gblɛ'n, ɔ nyan-man muae. Sran nga i nuan nun ndɛ ti nnyɔn-nnyɔn'n, sa yalɛ'n yɛ ɔ tɔ i su-ɔ .

Nyanndra Mun 2:14

Be bɔ sa tɛtɛ'n yɛ ɔ ti be aklunjuɛ like'n, bɔ be nyanko like liɛ'n yɛlɛ klunwi sa'n,

Nyanndra Mun 21:8

Atin nga sran kunfuɛ'm be fa su'n, ɔ ti-man kpa. Sran nga be ti kpa'n, be nzuɛn liɛ'n ti kpa.

Nyanndra Mun 22:8

Sran ng'ɔ yo sa ng'ɔ ti-mɛn i nuan su'n, nyrɛnnɛn'n cɛ yɛ ɔ tɔ i su-ɔ. Afin wunmiɛn ng'ɔ lɛ i b'ɔ fa yo sa tɛtɛ'n ɔ ´wie cɛn kun.

Nyanndra Mun 24:8

Sran nga b'ɔ sa tɛ yolɛ akunndan yɛ ɔ o i klun'n, i sɔfuɛ'n ɔ ti sa sukusuku yofuɛ.

Nyanndra Mun 3:29

A nin ɔ wiengu wie be o, bɔ yɛ ɔ o i olɛ bliin'n, nán sunnzun i nin tɛ.

Nyanndra Mun 3:32

Afin Anannganman nyin ci klunwifuɛ mun. I aenguɛ kusu yɛlɛ klun-ufuefuɛ mun.

Ezai 32:7

Gblɛfuɛ'n i ninnge ng'ɔ yo be'n be ti tɛtɛ ngunmin. Sa ng'ɔ ko yo be nan yalɛfuɛ'm b'a wun-man bé wun fɛ'n yɛ ɔ yo-ɔ. Ɔ kan gblɛ ndɛ mun kle be. Kannzɛ nyrɛnnɛnfuɛ sɔ'm be ndɛ yo fɛ'n, ɔ yo man be wun-man bé wun fɛ.

Ezai 57:20

Sanngɛ be nga be bu-man Nyanmiɛn nin i ndɛ'n be like fi'n, be ti kɛ jenvie'n bɔ aunngban'n keje i b'ɔ kwla jran-man diin, b'ɔ bo ninnge tɛtɛ'm kwlaa gua cenje'n su'n sa.

Ezekiɛl 11:2

Anannganman'n seli min kɛ: «Klɔ sran, sran nga mun yɛ be bu sran kunlɛ akunndan yɛ be man afɔtuɛ tɛtɛ Zerizalɛm klɔ'n nun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:7

Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Rɔmfuɛ Mun 16:17

Aniaan mun, n ´srɛ amun kpa, be nga be fa-man ndɛ nga an fali su su'n, bɔ be fa afiɛn sacilɛ'n wla amun afiɛn'n, bɔ be saci sran ti nun'n, an `nian amun wun be lika. Nán an fa amun wun mantan be.