Nyanndra Mun 5:6 - NYANMIƐN NDƐ'N 1998

⁶ Atin nga be fa su-ɔ be ko nyan nguan'n, ɔ buɛ-mɛn i ndɛ nun.

Nyanndra Mun 5:6 ပူးပေါင်းရင်းမြစ်များ

Jue Mun 119:59

Atin nga n fa be'n, m bu be akunndan kpa. Sa nga a fa be sie min nyrun'n, be ndɛnman yɛ n fa-a.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Nyanndra Mun 11:19

Nian, kpa yolɛ'n ɔ man be nguan tɛnndɛn. Sran nga kusu bɔ klunwi cɛ yɛ ɔ yo'n ɔ ´wu i nuan wie.

Nyanndra Mun 2:19

Be nga be kɔ i awlo lɔ'n, be nun ba kun sa ɔ sɛ-mɛn i sin. Ba kun sa ɔ sɛ-mɛn i sin fite-man nun.

Nyanndra Mun 30:20

Bla nga b'ɔ kunndɛ bian i wun bo'n, i atin ng'ɔ fa su'n yɛ. Ɔ di like'n kpɛkuun ɔ nunnun i nuan wun kpɛkuun ɔ se kɛ yoo: «M'an yo-man sa tɛ fi.»

Nyanndra Mun 4:26

Bu atin nga a fa su'n i akunndan. Atin nga a nian siin ɔ ti kpa'n, yɛ fa-a .

Nyanndra Mun 5:21

Atin nga sran kun fɛ i sa'n, ɔ lɛ-man kun nga Anannganman nyin ta-man su-ɔ . Ɔ wun i ngba'n kwlakwla kpan!

Nyanndra Mun 9:13

Sinnzin'n i like b'ɔ fɛli i'n, yɛlɛ bla sinnglinfuɛ b'ɔ si-man sa, bɔ kpankpan finfin'n.

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!