Nyanndra Mun 5:22 - NYANMIƐN NDƐ'N 1998

²² Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Nyanndra Mun 5:22 ပူးပေါင်းရင်းမြစ်များ

1 Famiɛn Mun 18:18

Eli tɛli i su kɛ: «Nán min yɛ man Izraɛlfuɛ'm be wun nyrɛnnɛn nin-ɔn. Wɔ a nin ɔ si i osufuɛ mun, amun ti-ɔ, afin amun yacili Anannganman i mmla'm be lɛ, amun ko suli Baal mun.

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Zɔb I Nyrɛnnɛn Wunlɛ 18:8

Ɔ ´ko tɔ zɔ nun, ɔ ´kpɛn aya nun sɛsɛsɛ.

Jue Mun 40:12

Anannganman, ɔ liɛ'n, n si kɛ a ´si min aunnvuɛ titi. A ti nanwlɛfuɛ. Ye nga a yo min titi'n, i ti n si kɛ sa fi su nyan-man min.

Jue Mun 9:15

Yɛ n ´kan like fanunfanun nga a yo mannin min'n i kwlaa. N ´kan be sran'm be afiɛn Siɔn wa. Kpɛkuun n ´di delɛ nga a deli min'n i ti aklunjuɛ.

Jue Mun 9:17

Anannganman ɔ'a fa wafa ng'ɔ ti'n ɔ'a kle, ɔ di jɔlɛ weinwein. Anannganman man sa tɛ yofuɛ'n ɔ'a tɔ aya nga i bɔbɔ suali'n nun.

Nyanndra Mun 1:18

Be sua be bɔbɔ bé wun aya.

Nyanndra Mun 11:3

Sran nga be di nanwlɛ'n, nanwlɛ'n su yɛ be su-ɔ. Gblɛfuɛ'm be kusu be gblɛ'n yɛ ɔ kun be-ɔ.

Nyanndra Mun 11:5

Nanwlɛ nga nanwlɛ difuɛ'n ɔ di'n, ɔ siesie i nyrun atin'n klanman, klunwifuɛ'n kusu i klunwi'n dunman nun ti ɔ ti mlinfuɛ.

Nyanndra Mun 11:6

Nanwlɛfuɛ'm be nanwlɛ nga be di'n, ɔ de be, klunwifuɛ'm be kusu be gblɛ nga be kpɛ'n, be bɔbɔ be ´ko tɔ nun.

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Nyanndra Mun 18:7

Sinnglinfuɛ'n i ndɛ ng'ɔ kan'n, ɔ ti i bɔbɔ i nguan nyanman nun kpɛkpɛlɛ. I bɔbɔ i nuan'n yɛ ɔ kun i-ɔ.

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 26:27

Sɛ a kpɛ sran i wun kunman'n, ɔ bɔbɔ yɛ a ´tɔ nun-ɔn, sɛ yɛbuɛ kusu yɛ a kondo fu kpɔlɛ wie b'ɔ su sɛ i sin ba'n, san ɔ su cɛ yɛ ɔ ´tɔ-ɔ .

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Ngwlɛ Yilɛ 1:14

Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Kalɛ 32:23

Sanngɛ sɛ amu'an yo-mɛn i sɔ'n, wuun amu'an fɔn Anannganman'n i wun. Kusu man amun si jrɛiin kɛ, sa tɛ nga amun yoli'n, amun wa fɛ i su afɛ'n.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Jɔlɛ Difuɛ Mun 20:41

Yɛ Izraɛlfuɛ'm be kusu be blili bé nyin-ɔn, kpɛkuun Bɛnzamɛn akpasua'n su sran'm be yɛ b'a mian yɛ, be wun-man kɔwlɛ, afin be wun i jrɛin kɛ b'a mlin mlɔnmlɔn a wie.

Jɔlɛ Difuɛ Mun 9:57

Yɛ Sisɛmfuɛ'm bé tɛ liɛ nga be yoli'n kusu, Nyanmiɛn tanninnin be kalɛ. Ɔ man Zɛribaal i wa Zɔtam i sannzan ng'ɔ boli'n i su sa'n yoli.