Nyanndra Mun 4:7 - NYANMIƐN NDƐ'N 1998

⁷ Akunndan'n i bo bowlɛ'n yɛ. Tu ɔ́ nyin wɔ akunndan'n. Like kwlaa ng'ɔ o ɔ́ sa nun'n, fa kpɛ ngwlɛlɛ'n i wun atin.

Nyanndra Mun 4:7 ပူးပေါင်းရင်းမြစ်များ

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

Jue Mun 119:104

Sɛ n ´si ngwlɛlɛ'n, ɔ fin ɔ mmla bɔ a sie be'n i sɔ'n ti n fa-man atin tɛ fi su.

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Nyanndra Mun 2:4

kunndɛ i kɛ be kunndɛ sika'n sa, tu ɔ klun kunndɛ i kɛ be fa kunndɛ anyanbeun'n sa,

Nyanndra Mun 21:6

Be nga bɔ awie yɛ be fa nyan bé wun'n, be ti sinnglinfuɛ. Be su kpɛkpɛ be nguan nyanman'n nun.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Nyanndra Mun 4:5

Bu akunndan, suan ngwlɛlɛ. Mín nuan su ndɛ'n, nán ɔ́ wla fi be yɛ nán kpa be su.

Nyanndra Mun 8:23

Ɔ fali min sieli i lɛ lalaa kpa, ɔ fali min sieli ka nan mɛn'n ɔ'a bo i bo .

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 7:12

Afin be fa ngwlɛlɛ'n kpli bé ti kɛ be fa sika kpli bé ti'n sa. Sa nga ti bɔ ngwlɛlɛ silɛ'n ti kpa'n yɛlɛ kɛ ɔ man sran ng'ɔ si ngwlɛlɛ'n i nguan nyanman'n ɔ yo tɛnndɛn.

JÉSUS-CHRIST I DYASIN FE'N BO LUC KLELI'N 10:42

Sanngɛ like kunngba cɛ yɛ ɔ ti kpa-a, Mari a fɛ i nun kpafuɛ'n, sran fi su de-mɛn i sa nun.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.