Nyanndra Mun 4:3 - NYANMIƐN NDƐ'N 1998

³ Min bakan nun'n, n kunngba yɛ n wo mín si nin mín nin bé sa nun-ɔn. Mín si kleli min ngwlɛlɛ, mín nin dili min ba.

Nyanndra Mun 4:3 ပူးပေါင်းရင်းမြစ်များ

1 Be Nyoliɛ 22:5

Sa ti bɔ David yoli sɔ'n, yɛlɛ kɛ i waan: «Mín wa Salomɔn tɛ yo gbanflɛn kan, i akunndan'n nian tin-man. Yɛ kusu sua nga be ´kplan man Anannganman'n, ɔ fata kɛ ɔ yo klanman kpa, nan mɛnmɛn'm be nunfuɛ'm be kwlaa be kannvun i i klanman nin i dan b'ɔ ´yo'n ti. I sɔ'n ti, n ´kunndɛ i wun ninnge mun n ´sie.» Ɔ man David kunndɛli ninnge sunman kpa sieli nan ɔ'a wu.

1 Be Nyoliɛ 29:1

Famiɛn David seli sran nga be yiali'n be kɛ: «Min wa Salomɔn bɔ i kunngba yɛ Nyanmiɛn kpɛli i'n, ɔ tɛ yo gbanflɛn kan, yɛ junman'n cɛnnin. Yɛ kusu i akunndan'n nian tin-man. Sua'n ti-man sran sua, Anannganman Nyanmiɛn'n i sua-a.

1 Be Nyoliɛ 3:5

Ba ng'ɔ wuli be Zerizalɛm lɔ'n mun yɛ: Simea, nin Sɔbab, nin Natan, ɔ nin Salomɔn. Ɔ nin Amiɛl i wa Bat-Seba yɛ be wuli be nnan mun-ɔn.

Zeremi 10:23

Anannganman, n si kɛ sran'n i nguan'n nun-mɛn i sa nun. Ajalɛ ng'ɔ tu'n, ɔ fin-mɛn i .

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .