Nyanndra Mun 4:19 - NYANMIƐN NDƐ'N 1998

¹⁹ Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Nyanndra Mun 4:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:25

Be nanti sa dududu aosin'n nun, be wun-man ase. Be nanti kɛ sran bɔ ɔ'a nɔn nzan ɔ'a bo'n sa.

Zɔb I Nyrɛnnɛn Wunlɛ 18:18

B'a fuɛn i wia'n nun b'a yi i aosin'n nun. B'a kɛn i bo mɛn'n nun mlɔnmlɔn.

Zɔb I Nyrɛnnɛn Wunlɛ 5:14

Wia kpa nun'n, aosin'n ɔ wla be su tritritri. Be ´nanti-ɔ, bé ja kplakpla, kusu wuun wia'n wo bé ti afiɛn.

Jue Mun 82:5

Be wun-man sa fi wlɛ, yɛ be wun-man sa'm bé bo, be nanti aosin nun dunmlan-dunmlan ngbɛn. Asiɛ'n i nunnunlɛ'n ɔ'a mantan koko.

Nyanndra Mun 2:13

Be bɔ be yaci atin kpa'n lɛ be ko fa atin sukusuku'n, a nin be su san-man nun.

Nyanndra Mun 22:5

Gblɛfuɛ'n i atin liɛ nun'n, owie-owie nin aya'm be o nun. Sran ng'ɔ kunndɛ nguan tɛnndɛn'n, ɔ nin gblɛ'n be mantan-man.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 23:12

I sɔ'n ti atin nga be nanti su'n, ɔ wa yo ndrɔn, aosin'n ɔ wa wla su, afin blɛ nga e nin be yia nun'n, n ´fa nyrɛnnɛn'n n ´yi be su, bé ja'n ´seli, be ´tɔ.› » Anannganman'n yɛ ɔ kan sɔ-ɔ.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 7:23

Yɛ n ´se be kɛ: ‹Amun bɔ an saci mmla'n, an `fa jao min wun lɛ. N si-man amun mlɔnmlɔn .› »

Jean 11:10

Sanngɛ sɛ sran kun nanti kɔnguɛ'n, i ja kpla, afin ɔ wun-man ase.»

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

1 Jean 2:11

Sanngɛ sran ng'ɔ kpɔ i niaan'n, ɔ o aosin'n nun, ɔ man kɛ ɔ ´nanti'n, ɔ si-man lika ng'ɔ kɔ'n, afin ɔ ti kɛ anyansifuɛ sa.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.