Nyanndra Mun 4:17 - NYANMIƐN NDƐ'N 1998

¹⁷ Klunwi yolɛ'n ti kɛ be aliɛ sa yɛ be di-ɔ. Sa kekleekle yolɛ'n ti kɛ be nzan sa yɛ be nɔn-ɔn.

Nyanndra Mun 4:17 ပူးပေါင်းရင်းမြစ်များ

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Nyanndra Mun 13:2

Kɛ sran kun ´nyan like kpa di i lɛ'n, ɔ fin i nuan nun ndɛ'n. Gblɛfuɛ'm be liɛ'n ninnge kekleekle mun yɛ bé nyin o su-ɔ.

Nyanndra Mun 20:17

Awie like'n be ´di i klikli nun'n ɔ yo fɛ. Sanngɛ i bo agualiɛ su'n, aunnyan yɛ ɔ gua be je sin-ɔn.

Nyanndra Mun 9:17

«Like nga be wua be nɔn'n i fɛ liɛ'n, be kan-man. Aliɛ nga be ´di-ɔ be fia'n, be nyɛn-mɛn i wunsu.»

Ezai 5:18

Be nga be fa gblɛ kpɛlɛ'n yo kɛ nyanman sa be fa cuɛn fɔnlɛ'n, be nga be cuɛn sa tɛ'n kɛ be fa cuɛn kakaklolo sa'n, be yako!

Ezai 5:20

Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Zeremi 9:4

Be lakalaka be wiengu. Be di-man nanwlɛ. Ato bualɛ'n yɛ be suan-an. B'a yo sa tɛ'n lele ɔ'a flan be bɔbɔ siɛn'n.

Mise 3:5

Ndɛ nga Anannganman kan man be nga be tɔn be wun suɛn kɛ be ti Nyanmiɛn nuan ijɔfuɛ be lakalaka i mɛn nunfuɛ mun'n yɛ: «Be bɔ sran ng'ɔ cɛ be like'n be se i kɛ: ‹Sa tɛ fi su nyan-man wɔ'n,› nga kusu bɔ ɔ'a man-man be like-ɔ, be nin i be lɛ i'n,

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [