Nyanndra Mun 4:14 - NYANMIƐN NDƐ'N 1998

¹⁴ Klunwifuɛ'm be sinwlɛ liɛ'n nán fa su wie, sran nga i klun ti tɛ'n, i atin liɛ'n, nán ɔ́ ja kpɛn nun.

Nyanndra Mun 4:14 ပူးပေါင်းရင်းမြစ်များ

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Nyanndra Mun 1:10

Mín wa, sɛ sa tɛ yofuɛ'm be waan be ´lakalaka wɔ nan a su be su'n, nán kplin su man be laka wɔ .

Nyanndra Mun 1:15

Mín wa, atin nga be ´fɛ i lɛ'n, nán a nin be wɔ. Kaci ɔ́ sin si be.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 22:25

Ɔ ti-mɛn i ti-ɔ, be nzuɛn tɛ'n ɔ ´sa wɔ, kpɛkuun a ´kuku ɔ́ wun yi i saɛ nun ngbɛn.

Nyanndra Mun 24:1

Nán sɔnnzɔn klunwifuɛ mun. Nán a nin be san nun.

Nyanndra Mun 4:15

Nán wunnge i wun, nán sin nun mlɔnmlɔn. Sɛn i wun, bli sin lika uflɛ.

Nyanndra Mun 5:8

Nán wɔ atin'n sin tekle bla'n i wun lɛ mlɔnmlɔn . Nán mɛntɛn i awlo'n i anuan'n bɔbɔ,

Nyanndra Mun 7:8

Mmuɛ wie sin bla tɛtɛ sɔ'n kun i awlo'n nyrun lɛ. N ´wun i-ɔ ɔ'a fa mmuɛ sɔ'n, ɔ su to i ti bla sɔ'n i awlo'n i wun lɔ.

Nyanndra Mun 9:6

An `yaci sinnzin atin'n i falɛ wie, nan an `nyan nguan. An `yaci i falɛ nan an `nanti ngwlɛlɛ atin liɛ'n su!»

1 Korɛntfuɛ Mun 15:33

Nán an laka amún wun, sɛ sran kpa nin sran tɛ san nun'n, i nzuɛn tɛ'n sɛ i.