Nyanndra Mun 4:10 - NYANMIƐN NDƐ'N 1998

¹⁰ Mín wa, sie ɔ́ su, sie ɔ́ su nan tie min aniɛn'n. Sɛ a tie min aniɛn'n, ɔ ti ɔ nguan nyanman su salɛ.

Nyanndra Mun 4:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:22

Fɛ i nuan ndɛ'n. Fa be sie .

Nyanndra Mun 19:20

Be man wɔ afɔtuɛ-ɔ, fa ɔ́ su sie su. Lo ɔ́ wun man be kle wɔ ngwlɛlɛ, i liɛ'n cɛn wie a ´fa si ɔ ngwlɛlɛ liɛ.

Nyanndra Mun 2:1

Mín wa, like nga n kle wɔ'n, sɛ be ka ɔ klun'n, like nga min waan a yo be'n, nán ɔ́ wla fi be su,

Nyanndra Mun 3:16

Ɔ man sran sɔ'n i nguan tɛnndɛn, yɛ ɔ mɛn i anyanbeun nin anyrunnyan.

Nyanndra Mun 3:2

Afin sɛ a ´cɛ asiɛ'n su'n, ɔ fin be. Sɛ a ´di alaje'n, ɔ fin be.

Nyanndra Mun 8:10

Mín nuan su ndɛ nga n fa mannin amun'n an `fa amún wla gua su, an `fa gua su tra sika. Akunndan nga m mannin amun'n, man ɔ yo amun nanndoliɛ tra sika ɔkwlɛ'n, ɔ tra sika ɔkwlɛ ng'ɔ ti jrɛiin kpa'n.

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Mmla'n 11:21

I liɛ'n, amun nin amun osu nunfuɛ mun amun ´cɛ mɛn nga Anannganman tali amun nannan'm be nda kɛ ɔ ´fa man be'n i nun. Sɛ nyanmiɛn ng'ɔ la nglo lɔ plaii yɛ'n ɔ nian sin-man'n, wuun amun nian sin-man.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.