Nyanndra Mun 31:9 - NYANMIƐN NDƐ'N 1998

⁹ Sɛ a ´kan ndɛ nin-ɔn, di nanwlɛ weiin. Aunnvuɛfuɛ mun nin yalɛfuɛ mun, fa bé ti ndɛ `di.»

Nyanndra Mun 31:9 ပူးပေါင်းရင်းမြစ်များ

2 Samiɛl 8:15

David yoli Izraɛl nvle wunmuan'n su famiɛn. Ɔ di nanwlɛ Izraɛlfuɛ'm be kwlaa be jɔlɛ dilɛ'n nun.

Zɔb I Nyrɛnnɛn Wunlɛ 29:12

Afin nyrɛnnɛnfuɛ nga i nuan to min'n, n de i. Yɛ aika ng'ɔ lɛ-man sran'n, kɛ n yo i sɔ wie-ɔ.

Jue Mun 82:3

Be nga be lɛ-man like'n, be nin aika mma mun'n, amun `bu be ndɛ mun i atin su kɛ ɔ fata'n sa. Yalɛfuɛ mun, be nin be nga be yo annvɔ'n, amun `di be jɔlɛ mun klanman.

Nyanndra Mun 16:12

Sa tɛ yolɛ'n nin famiɛn kun fata-man. Afin nanwlɛ dilɛ'n yɛ man i sielɛ'n taka-a.

Nyanndra Mun 20:8

Kɛ famiɛn kun ko tran ase b'ɔ ´di jɔlɛ'n, ndɛ nga be kan b'ɔ ti gblɛ'n, ɔ ka lɛ wun i.

Nyanndra Mun 29:7

Klun-ufuefuɛ'n ɔ jin yalɛfuɛ'm bé sin, sanngɛ klunwifuɛ'n si-mɛn i sɔ akunndan'n.

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 22:3

Anannganman'n wan yoo: ‹An `di jɔlɛ nanwlɛ nun. An `de sran mun be nga be fɛn sran'm be bo ninnge'n be sa nun. Nán an yo aofuɛ nin aika ba ɔ nin angboti bla'm be tɛtɛ. Sran nga bɔ b'a yo-man sa'n, nán an kun be lika nga nun wa.

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Zakari 7:9

Anannganman b'ɔ sie mɛn wunmuan'n seli amun laa kɛ yoo: «Amun ´bu ndɛ-ɔ, an `nian nanwlɛ'n be `di. An `klo be wiengu, an `yo be wiengu kpa.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Jean 7:24

Nán an nian sran i wafa ng'ɔ ti'n an fa di ndɛ'n, sanngɛ an `di ndɛ nanwlɛ su.

Mmla'n 1:16

Yɛ n seli amun jɔlɛ difuɛ'm be kɛ: Sɛ ndɛ tɔ amun niaan'm be afiɛn nan be wa kan kle amun'n, amun `tie be ndɛ'n. Sɛ be ti sran nnyɔn'n nan kun ti Izraɛlfuɛ o, nan kun ekun'n ti aofuɛ o, amun `di be ndɛ mun nanwlɛ su.

Hébreu 1:9

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ min Nyanmiɛn b'ɔ ti ɔ Nyanmiɛn'n fali wɔ b'ɔ guali be klun jɔlɛ ngo ɔ su nin-ɔn. Ɔ yacili ɔ wiengu'm be lɛ ɔ fali wɔ .»

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

1 Samiɛl 19:4

Zonatan kannin David i wun ndɛ klanman kleli i si Sail. Yɛ ɔ seli i kɛ: «A ti famiɛn, ɔ nin fata-man kɛ a yo ɔ sufuɛ David tɛ. Ɔ nian yo-man wɔ tɛ le. Ye yɛ ɔ yo wɔ-ɔ.

1 Samiɛl 20:32

Zonatan usɛli i si kɛ: «?Nguɛ sa bɔ cɛ yɛ ɔ yoli i ti yɛ be kun i-ɔ?»