Nyanndra Mun 31:4 - NYANMIƐN NDƐ'N 1998

⁴ Lɛmuɛl, famiɛn kun sa'n, ɔ nin i fata-man kɛ ɔ nɔn nzan. Nzan kekle'n, ɔ fata-man kɛ kpɛnngbɛn'm be fa cici bé ti .

Nyanndra Mun 31:4 ပူးပေါင်းရင်းမြစ်များ

1 Famiɛn Mun 16:9

I sonja'm bé su kpɛn ng'ɔ ti kakaklolo'm be bue kun su kpɛn'n cicili i wun sa. Be flɛ i kɛ Zimri. Ela o Tirza lɛ. Le kun ɔ ɔli Arsa b'ɔ ti i awlo'n i su nianfuɛ'n i awlo lɔ. Ɔ o lɛ ɔ ´nɔn nzan. Nzan'n ɔ'a ti i kpa.

1 Famiɛn Mun 20:12

Kɛ be wa kan ndɛ sɔ'n be kle Bɛn-Adad'n, wuun ɔ nin famiɛn nga'm be o tannin sua'm bé bo lɔ be su nɔn nzan. Kɛ ɔ tili'n, ɔ seli i alɛ su kpɛn'm be kɛ be ko jranjran klɔ'n sin nan be nin i nunfuɛ'm be kun! Yɛ be ko jranjrannin-ɔn.

Ɛstɛr 1:10

Be dili cɛn sɔ'n lele le nsiɛn. I le nso su'n, famiɛn'n nɔnnin nzan ɔ tili i kpa. I klun b'ɔ jɔli'n ti, ɔ flɛli i sran kaklaakla nso nga be niɛn i yi'm be su'n kɛ be bla. Be dunman mun yɛ: Mɛiman, Bizta, Arbɔna, Bigta, Abagta, Zetar, ɔ nin Karkas.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Nyanndra Mun 20:1

Nzan'n man sran di tutre, nzan kekleekle mun man sran ijɔ fiaii. Sran ng'ɔ nɔn nzan ngboko'n, ɔ si-man ngwlɛlɛ .

Nyanndra Mun 23:34

Ɔ wa yo wɔ kɛ a o jenvie'n i afiɛn sa, ɔ wa yo wɔ kɛ a o mmeli'n i waka'n i ti'n su sa.

Akunndanfuɛ'n 10:17

Mɛn nga bɔ i su famiɛn'n ɔ ti wlengbi ba'n, bɔ famiɛn i awlo lɔ sran dandan'm be ti-man aliɛ safuɛ nin nzanboɛfuɛ'n, mɛn sɔ'n i liɛ su ti ye. Be liɛ'n, like nga be ko di nan b'a nyan wunmiɛn'n yɛ be di-ɔ.

Ezai 5:22

Be nga nzan nɔnlɛ'n yɛ ɔ ti be yasua like'n, be nga be waan be `se kɛ be yɛ be ti nzan kekle yifuɛ'm be klikli'n, be yako!

Abakik 2:5

Nanwlɛ, wunmiɛn'n ti tɛ: tutre difuɛ'm be tran-man diin mlɔnmlɔn. Be lɛ konvi kɛ blɔlɔ lɔ klɔ dan'n sa bɔ kannzɛ sran'm be ´wu sɛ sanngɛ ɔ flɛn-mɛn i'n. Be ti kɛ anannganman wie'n sa, bé nyin yi-man like. Asiɛ'n su nvle'm be kwlaa'n, tutrefuɛ sɔ'm be waan be yɛ be sie be-ɔ.