Nyanndra Mun 30:8 - NYANMIƐN NDƐ'N 1998

⁸ Be yɛ: nán man n kpɛ gblɛ yɛ nán man m bua ato le. Nán man n di yalɛ kusu nán man n nyan mín wun. Mín nuan nun aliɛ b'ɔ ju min'n yɛ ´man min-ɔn.

Nyanndra Mun 30:8 ပူးပေါင်းရင်းမြစ်များ

Bo Bolɛ 28:20

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n,

2 Famiɛn Mun 25:30

Yɛ kusu lele b'ɔ ´fa ju i nguan'n i awieliɛ'n, famiɛn'n mɛnnin i like kwlaa ng'ɔ miɛn i sa'n.

Zɔb I Nyrɛnnɛn Wunlɛ 23:12

I mmla kun nun-man lɛ bɔ m'an fa-man su-ɔ. I nuan nun ndɛ'm be yoli cinnjin min sa nun trali m bɔbɔ min klun sa'n.

Jue Mun 119:29

Yo nan nán n fa gblɛgblɛ'n cici mín ti. Yɛ si min aunnvuɛ, yo man n fa ɔ mmla'n.

Jue Mun 119:37

Yo man n yi min nyin ninnge ngbɛn-ngbɛn'm be su, yo man n nanti wɔ atin'n su.

Ezipt Lɔ Tulɛ'n 16:15

Izraɛlfuɛ'm be wunnin i, sanngɛ be si-mɛn i, be usali be wiengu kɛ: «?Nzu like yɛlɛ nga?» Moiz tɛli bé su kɛ: «Aliɛ nga Anannganman fa mannin amun kɛ amun di'n yɛ ɔ o lɛ-ɔ.

Ezipt Lɔ Tulɛ'n 16:18

Sanngɛ kɛ be sunnzunnin'n, sran ng'ɔ isali i kpanngban'n ɔ'a nyan-man wie ɔ'a tra-man su, yɛ sran ng'ɔ isali i kaan sa'n, ɔ'a kpɛ-man su. Sran kun liɛ ng'ɔ ko ju i'n yɛ ɔ nyɛn i-ɔ.

Ezipt Lɔ Tulɛ'n 16:29

Amun si jrɛiin kɛ n fali wunmiɛn-delɛ-cɛn'n m mannin amun kɛ an fa de wunmiɛn. I sɔ'n ti yɛ cɛn'n i nsiɛn su'n, m man amun cɛn nnyɔn aliɛ nga amun ko di nin-ɔn. Cɛn'n i nso su'n, sran kun trɛn i bɔbɔ i awlo lɔ, nán sran fi fite.»

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Nyanndra Mun 13:5

Gblɛ ndɛ'n, nanwlɛ difuɛ'n klo-mɛn i. Klunwifuɛ'n ɔ fa suɛn'n kuɛkuɛ i wiengu.

Nyanndra Mun 21:6

Be nga bɔ awie yɛ be fa nyan bé wun'n, be ti sinnglinfuɛ. Be su kpɛkpɛ be nguan nyanman'n nun.

Nyanndra Mun 22:8

Sran ng'ɔ yo sa ng'ɔ ti-mɛn i nuan su'n, nyrɛnnɛn'n cɛ yɛ ɔ tɔ i su-ɔ. Afin wunmiɛn ng'ɔ lɛ i b'ɔ fa yo sa tɛtɛ'n ɔ ´wie cɛn kun.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Nyanndra Mun 30:7

Agir kɛnnin i ekun kɛ: «Min Min Anannganman, like nnyɔn cɛ yɛ n srɛ wɔ-ɔ. Kɛ min nyin tɛ o su'n, nán kpɛ min like sɔ mun.

Akunndanfuɛ'n 1:2

Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn .»

Ezai 5:18

Be nga be fa gblɛ kpɛlɛ'n yo kɛ nyanman sa be fa cuɛn fɔnlɛ'n, be nga be cuɛn sa tɛ'n kɛ be fa cuɛn kakaklolo sa'n, be yako!

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Zeremi 37:21

Nan famiɛn Sedesias man b'a sie Zeremi gladi difuɛ'm be awlo'n nun lɛ. I waan be `niɛn i lika nan cɛn kwlaa be mɛn i kpaun kukluku kun. Be tɔn kpaun sɔ'n kpaun tɔnfuɛ'm be atin'n su lɔ. Man ɔ di lele san be nyan-man kpaun klɔ'n nun kun. Nan Zeremi ɔ'a ka gladi difuɛ'm be awlo'n nun.

Zeremi 52:34

Yɛ kusu lele b'ɔ ´fa ju i nguan'n i awieliɛ'n, famiɛn'n mɛnnin i like kwlaa ng'ɔ miɛn i sa'n. Ɔ'a kpɛ-man cɛn kun lele yɛ wie'n fa kunnin i-ɔ.

Matthieu 6:11

Man ye aliɛ ng'ɔ ju ye ndɛ'n.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

JÉSUS-CHRIST I DYASIN FE'N BO LUC KLELI'N 11:3

Cɛn kwlaa man ye aliɛ ng'ɔ ju ye'n.

Jean 2:8

Yɛ ɔ seli be ekun kɛ: «An `sa wie fa ko man sran ng'ɔ nian aliɛ'n su'n,» yɛ be sali fa ko mɛnnin i-ɔ.

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .