Nyanndra Mun 30:7 - NYANMIƐN NDƐ'N 1998

⁷ Agir kɛnnin i ekun kɛ: «Min Min Anannganman, like nnyɔn cɛ yɛ n srɛ wɔ-ɔ. Kɛ min nyin tɛ o su'n, nán kpɛ min like sɔ mun.

Nyanndra Mun 30:7 ပူးပေါင်းရင်းမြစ်များ

2 Famiɛn Mun 2:9

Kɛ be kpɛli Zurdɛn'n, Eli seli Elize kɛ: «Like nga a klo kɛ n yo man wɔ'n, kan ka nan Anannganman ɔ'a fa min nan m'an jaso ɔ́ wun wa.» Elize tɛli i su kɛ: «N klo kɛ n ´nyan Nyanmiɛn Wawɛ ng'ɔ wo ɔ su'n i sɔ kpɛ nnyɔn.»

Jue Mun 21:2

Anannganman, famiɛn'n i klun ti jɔwa, afin a niɛn i su sakpa. Kɛ a de i'n, ɔ yo i fɛ dan.

Jue Mun 27:4

Like nga n srɛ i Anannganman sa nun'n, ɔ ti kunngba cɛ. Yɛ kusu ɔ lo min kpa. Like sɔ'n yɛlɛ kɛ n klo kɛ n ´trɛn i sua'n nun cɛn kwlaa lele min nguan'n i awieliɛ, nan n ´kannvun i bɔbɔ Anannganman, afin ɔ yo nyɛnmɛn , yɛ n ´fa min wun m mɛntɛn i.

Nyanndra Mun 30:6

I nuan su ndɛ sa'n, nán kpɛ wie gua su. Sɛ ɔ yo sɔ-ɔ, ɔ ti kɛ w'a yo gblɛfuɛ sa, ɔ nin wɔ be ´nyɛn i.

Nyanndra Mun 30:8

Be yɛ: nán man n kpɛ gblɛ yɛ nán man m bua ato le. Nán man n di yalɛ kusu nán man n nyan mín wun. Mín nuan nun aliɛ b'ɔ ju min'n yɛ ´man min-ɔn.

JÉSUS-CHRIST I DYASIN FE'N BO LUC KLELI'N 10:42

Sanngɛ like kunngba cɛ yɛ ɔ ti kpa-a, Mari a fɛ i nun kpafuɛ'n, sran fi su de-mɛn i sa nun.