Nyanndra Mun 30:4 - NYANMIƐN NDƐ'N 1998

⁴ ?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.

Nyanndra Mun 30:4 ပူးပေါင်းရင်းမြစ်များ

Bo Bolɛ 32:29

Sran'n sɔ'n seli i kɛ: «Be su flɛ-man wɔ Zakɔb kun, be wa flɛ wɔ kɛ Izraɛl siɛn'n, afin a nin Nyanmiɛn nin sran mun tuli, wɔ yɛ a kwlali-ɔ.»

Zɔb I Nyrɛnnɛn Wunlɛ 11:7

?Ɔ kpa'n, a kwla si Nyanmiɛn i bo ndɛ mun? ?Nyanmiɛn b'ɔ kwla like kwlaa yo'n i dan'n i wafa b'ɔ ti'n, a kwla wun i wlɛ?

Zɔb I Nyrɛnnɛn Wunlɛ 11:8

Sɛ i dan sɔ b'ɔ ti'n ɔ ti like bɔ be wun i nin be nyinma'n, wuun n ´se kɛ i nglo-nglo tra nyanmiɛn b'ɔ sɛ é ti su yɛ'n i su. ?Sɛ ɔ ti sɔ'n, yɛ wuun a ´yo i sɛ? I kploun tra blɔlɔ lɔ lika'n. ?Sɛ ɔ ti sɔ'n, a ´yo sɛ nan w'a wun i wlɛ?

Zɔb I Nyrɛnnɛn Wunlɛ 26:8

Ɔ fa nzue'n wlɛ i nyanmiɛn ble'n i klun. Kɛ nyanmiɛn ble'n wo lɛ'n yɛ ɔ wo-ɔ, ɔ kpuke tɔ-man.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 24:2

Ɔ takali asiɛ'n jenvie'n su. Ɔ tɛkɛli i nzue ba'm be su.

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Ezipt Lɔ Tulɛ'n 15:10

Sanngɛ wɔ Anannganman a fitali wɔ aunngban'n, kpɛkuun jenvie'n katali bé su kplu. Be mlɔnnin kɛ sunmun sa nzue sroesroe sɔ'n nun.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 53:8

Be trɛli i, be yoli i tokotoko, be dili i jɔlɛ. ?I blɛ sufuɛ mun'n, sran'm be kunlɛ bɔ be kunnin i'n, wan yɛ ɔ wunnin i wlɛ kɛ min nvle nunfuɛ'm bé sa tɛtɛ'n bɔ be yo'n i ti-ɔ?

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

JÉSUS-CHRIST I DYASIN FE'N BO LUC KLELI'N 10:22

N Si yɛ ɔ fali like'n kwlaa mannin min-ɔn. Sran fi si-man Nyanmiɛn Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si kle i'n, i yɛ ɔ si i-ɔ.»

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Rɔmfuɛ Mun 10:6

Sanngɛ sɛ sran kpa yolɛ b'ɔ fin Nyanmiɛn i su bɔ be lafi'n ti sran'n, wuun ɔ ´se kɛ: «Nán bu ɔ klun lɔ se kɛ: ‹?Wan yɛ ɔ ´kɔ nyanmiɛn su lɔ-ɔ?› i bo kle kɛ be ko fa Krist ba,

Mmla'n 28:58

Sɛ amu'an fa-man mmla bɔ be ti klɛwa fluwa nga nun'n i nun ndɛ mun, sɛ amu'an fa-man be amun sie-man'n, sɛ amun nian-man su b'a nanti-man'n, sɛ amun nyin a yi-man sran nga b'ɔ lɛ nyrun, b'ɔ yo sro'n, b'ɔ i dunman yɛlɛ Anannganman amun Nyanmiɛn'n,

Mmla'n 30:12

Ɔ nun-man nyanmiɛn su lɔ nan amu'an se kɛ: «?Wan yɛ e ´nyɛn i b'ɔ ´fu nyanmiɛn su lɔ, nan ɔ'a ko fa ɔ'a blɛ e nan y'a kwla ti y'a fa su-ɔ?»

Sa nglô yile 19:12

I nyinma'n sɔ kɛ sin sa, sika kle kpanngban wo i ti. Be klɛ dunman kun i wun, sran fi si-mɛn i san i bɔbɔ yɛ ɔ si i-ɔ .

Jɔlɛ Difuɛ Mun 13:18

Anannganman i anz'n tɛli i su kɛ: «?Ɔ yo sɛ ti yɛ a usa min dunman-an? Ɔ ti nvialiɛ nun like .»