Nyanndra Mun 30:10 - NYANMIƐN NDƐ'N 1998

¹⁰ I waan nán tɔn akua'n i suɛn kle i min'n. Ɔ cɛ-man nan ɔ'a bo wɔ sannzan nan w'a wun i nuan.

Nyanndra Mun 30:10 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Nyanndra Mun 11:26

Sran nga b'ɔ fɛ i ble liɛ'n ɔ fia'n, sannzan yɛ mɛnfuɛ'm be bo i-ɔ. Sran nga kusu b'ɔ yo i liɛ'n i atɛ'n, bé nuan klanman yɛ be yra be mɛn i-ɔ.

Nyanndra Mun 28:27

Sran nga b'ɔ lɛ like-ɔ ɔ man yalɛfuɛ'n wie'n, like tu-mɛn i sa nun mlɔnmlɔn. Sran nga kusu b'ɔ wun yalɛfuɛ-ɔ ɔ muɛn-muɛn i nyinma'n, i sɔ sran liɛ'n i sannzan bofuɛ'm be sɔnnin.

Akunndanfuɛ'n 7:21

Nán fa ɔ́ su sie ndɛ nga sran'm be kan'n i ngba bo kɛ ɔ ´yo nan sɛ wɔ afanniɛn wie kan ɔ́ wun ndɛ tɛ-ɔ, w'a ti-man'n ti.

Daniɛl 6:13

Kpɛkuun be ɔli trɛlɛlɛ be ko toli famiɛn'n yɛ be usɛli i kɛ: «?Nannan, w'a man-man mmla kɛ cɛn ba ablasan nga'm be nun'n sɛ sran kun ijɔ i amuɛn wie su annzɛ sɛ ɔ yaci wɔ lɛ nan ɔ manman sran uflɛ'n, be `to i sɔfuɛ'n be yi i asɔmɔli'm bé sin kunman'n nun?» Ɔ tɛli be su kɛ: «Kɛ n seli sɔ-ɔ, be kaci i-ɔ ɔ yo-man ye, ɔ ti kɛ e Medifuɛ nin e Pɛrsfuɛ e mmla'n sa, be kpɛ i wun-ɔn ɔ kpɛ-man.»

Daniɛl 6:24

Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Rɔmfuɛ Mun 14:4

?A ti ɔ liɛ sɛ bɔ a kan ɔ niaan wie i junman difuɛ'n i wun ndɛ-ɔ? Sɛ i nzuɛn ti kpa o, sɛ ɔ ti-man kpa o, nán ɔ ndɛ-ɔ, i min'n i ndɛ-ɔ. Ɔ ´yo kpa, afin e Min'n kwla suɛn i bo man ɔ yo kpa.

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 23:15

Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.

1 Samiɛl 24:9

I osu'n b'ɔ ´cɛ kaan yɛ David kusu fin yɛbuɛ buɛ'n nun fiteli-ɔ. Yɛ ɔ kpan flɛli Sail kɛ: «Nannan, min min!» Yɛ Sail niannin i sin lɔ-ɔ, kpɛkuun David kotoli, ɔ utuli i nyin ase.

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.

1 Samiɛl 30:15

David seli i kɛ: «Yaci ko kle ye kan alɛ kunfuɛ sɔ'm be o'n.» Yɛ Eziptfuɛ'n seli i kɛ: «Sɛ a ta min nda Nyanmiɛn dunman nun kɛ a su kun-man min'n nan a su fa-man min ko wlɛ-mɛn min min i sa nun'n, n ´ko kle wɔ kan be o'n.»