Nyanndra Mun 3:6 - NYANMIƐN NDƐ'N 1998

⁶ Sɛ a ´fin ase o a ´jao o, Anannganman i dunman yɛ bo-ɔ. Sɛ a bo i dunman'n, ɔ ´bo ɔ nyrun atin'n.

Nyanndra Mun 3:6 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Neemi 2:4

Famiɛn'n usali min kɛ: «?Nguɛ yɛ ɔ waan n yo m man wɔ-ɔ?» Yɛ n srɛli nglo lɔ Nyanmiɛn nin-ɔn.

Neemi 7:5

Yɛ Nyanmiɛn'n suli min bo kɛ n yia klɔ kpɛnngbɛn mun, nin jɔlɛ difuɛ mun, ɔ nin sran'm be kwlaa nan n ka be. N wunnin fluwa nga be nga be dun mmua bali'n be dunman'n nin be nannan'm be dunman'n wo nun'n. Nga be klɛli i nun'n yɛ.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Nyanndra Mun 11:5

Nanwlɛ nga nanwlɛ difuɛ'n ɔ di'n, ɔ siesie i nyrun atin'n klanman, klunwifuɛ'n kusu i klunwi'n dunman nun ti ɔ ti mlinfuɛ.

Nyanndra Mun 16:3

Like nga ɔ waan a ´yo'n, fa wla Anannganman sa nun. Sɛ a fa wla Anannganman sa nun'n, nga a sunnzun'n ɔ ´kpɛn su.

Nyanndra Mun 16:9

Sran gugu i klun lɔ se kɛ: «N ´yo like nga sa, n ´yo like nga sa.» Sanngɛ Anannganman yɛ ɔ mɛn i wun atin-ɔn.

Nyanndra Mun 23:17

Nán ɔ́ nyin ka klunwifuɛ'm bé sin, aliɛ ba blu-nin-nso nun'n, man ɔ́ nyin yi Anannganman.

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 45:13

Kɛ bɔ n yo sa i nuan su'n ti, n ko fali Siris m bali. I nyrun atin nga b'a saci'n, n ´yo be kpa. Ɔ wa kplan min klɔ'n i uflɛ, yɛ min sran nga be trali be ɔli mɛn wie nun'n, ɔ ´yaci be nun be ´sa bé sin bé mɛn'n nun. Ɔ su de-man dein, ɔ su usa-man kɛ be mɛn i adi.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.

Zeremi 10:23

Anannganman, n si kɛ sran'n i nguan'n nun-mɛn i sa nun. Ajalɛ ng'ɔ tu'n, ɔ fin-mɛn i .

Zeremi 42:3

I ti-ɔ, se Anannganman ɔ Nyanmiɛn'n kɛ ɔ kle ye atin nga e ko fa su'n, yɛ ɔ kle ye like nga e ko yo'n.»

Kalɛ 9:20

Wienun-ɔn sin wɛnsrɛn'n ɔ di-man cɛn pɛ nan ɔ'a tu i bo, sɛ Anannganman kan kle be kɛ be tran lɛ'n, be tran lɛ, sɛ kusu Anannganman kan kle be kɛ be tu be bo'n, kpɛkuun be su tu bé bo.

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

2 Korɛntfuɛ Mun 8:16

Nyanmiɛn kwla o! Afin ɔ yoli man amun ndɛ lo Tit kusu.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

Kolɔsfuɛ Mun 3:23

Like kwlaa nga amun ´yo'n, an `tu amun klun yo i kɛ e Min'n yɛ an su yo mɛn i sa, nán an bu i kɛ sran yɛ an su yo mɛn i-ɔ.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

1 Samiɛl 30:8

David fa usali Anannganman kɛ: «?N su alɛ kunfuɛ sɔ'm bé su? ?Sɛ n kɔ'n n ´to be?» Anannganman waan: «Su bé su, a ´to be yɛ a ´de sran nga be trali be lomuɛn'n.»