Nyanndra Mun 3:25 - NYANMIƐN NDƐ'N 1998

²⁵ Sɛ ɔ wie sa kekle wie yɛ ɔ fu wɔ nun'n, nán srɛ kun wɔ. Sɛ klunwifuɛ yɛ ɔ nin wɔ be nyɛn i'n, nán srɛ kun wɔ.

Nyanndra Mun 3:25 ပူးပေါင်းရင်းမြစ်များ

Jue Mun 112:7

Sɛ ɔ ti ndɛ tɛ wie'n, srɛ ba kun sa kun-mɛn i mlɔnmlɔn. I klun suɛ-mɛn i bɔ kaan tri! Anannganman kunngba yɛ i nyin tɛ i nyin bo-ɔ.

Jue Mun 73:19

Ɔo, srɛ dan b'ɔ kun be'n ti, be nunnun aliɛ ba kunngba nun weiin, nyrɛnnɛn wie yɛ ɔ kun be-ɔ, kpɛkuun be liɛ'n ɔ'a wie.

Jue Mun 91:5

Srɛ su kun-man wɔ like fi wun. A su sro-man sa sroesroe nga be ju kɔnguɛ annzɛ cua nga be to be wia nun'n mun.

Nyanndra Mun 1:27

Kɛ sa sroesroe'n ɔ ´fita amun kɛ aunngban dan wie yɛ amu'an kpɛn i afiɛn sa'n, bɔ sa ya'n ɔ'a wla amun tralɛ zri kɛ seke wie yɛ ɔ su bo sin yia amun sa'n, kɛ nyrɛnnɛn'n ɔ tɔ amun su bɔ amun akunndan sanngan amún wun'n,

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Zakari 9:8

Alɛ kunfuɛ nga be sin'n, be ti n ´sasa min mɛn'n. Sran fi sa su yo-mɛn i nunfuɛ'm be tɛtɛ kun, afin mín nyin o be su siɛn'n.»

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Matthieu 24:6

Amun wa ti alɛ i wun ndɛ nin i nganniɛn, nán man amun klun titi amun, afin san sa sɔ'm be ´yo.

Marc 4:40

Yɛ ɔ usali be kɛ: «?Nguɛ ti yɛ srɛ kun amun sɔ-ɔ? ?Ɔ yo sɛ ti yɛ an lafi-man Nyanmiɛn su-ɔ?»

JÉSUS-CHRIST I DYASIN FE'N BO LUC KLELI'N 21:9

Kɛ amun ´ti alɛ nin kpɛnngbɛn'm bé wun jaolɛ ndɛ'n, nán srɛ kun amun, afin kannzɛ ɔ yo sɛ, san sa sɔ'm be ´yo, sanngɛ mɛn'n su ka-man lɛ wie-man.»

Jean 14:1

Nán amún wla bo. An `lafi Nyanmiɛn su, yɛ an `lafi n su wie.

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.