Nyanndra Mun 3:15 - NYANMIƐN NDƐ'N 1998

¹⁵ Be miɛn i sa tra nɛnnglɛnman. Ninnge nga be to be gua kpan'n, ɔ yo nɔnnin tra be.

Nyanndra Mun 3:15 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:18

Kɔrail nin kristal'n be liɛ'n, be bo-man bé su be di-man jɔlɛ bɔbɔ. Ngwlɛlɛ'n i silɛ'n, i kpa tra afle mma gua kpan'n.

Jue Mun 63:3

N kunndɛ kɛ n ´wun wɔ ɔ sua b'ɔ ti saun'n nun lɔ nan n ´wun ɔ fanngan nin wɔ anyrunnyan'n bɔ be fite nglo'n.

Nyanndra Mun 20:15

Sika ɔkwlɛ nin nɛnnglɛnman'n, be di-man be yalɛ. Sanngɛ like nga i kpa ti be nyɛn-mɛn i'n, yɛlɛ bé nuan waka b'ɔ si ijɔ'n.

Nyanndra Mun 31:10

Sran ng'ɔ nyan bla kpa'n, wuun ɔ'a nyan like dan. Afin i sɔ bla liɛ'n i kpa tra nɛnnglɛnman'n lelele.

Nyanndra Mun 8:10

Mín nuan su ndɛ nga n fa mannin amun'n an `fa amún wla gua su, an `fa gua su tra sika. Akunndan nga m mannin amun'n, man ɔ yo amun nanndoliɛ tra sika ɔkwlɛ'n, ɔ tra sika ɔkwlɛ ng'ɔ ti jrɛiin kpa'n.

Nyanndra Mun 8:11

Afin akunndan'n ti kpa tra nɛnnglɛnman, ɔ lɛ nyrun tra nanndoliɛ like'n kwlaa.

Akunndanfuɛ'n 7:11

Ngwlɛlɛ'n ɔ lɛ nyrun kɛ aja bɔ b'a sie'n ɔ fa lɛ nyrun'n sa. Yɛlɛ kɛ ɔ ti sran'm be kwlaa be wun nyanman nun.

Rɔmfuɛ Mun 8:18

Kɛ m bu anyrunnyan like nga Nyanmiɛn wa yi i nglo kle ye'n i akunndan'n, m bu-man nyrɛnnɛn nga e wun i ndɛ'n i like fi.