11 Mín wa, sɛ Anannganman tu wɔ fɔ'n, nán se kɛ a fa-man ɔ́ su sie-mɛn i bo . Sɛ ɔ kpan wɔ su'n, nán ɔ klun titi wɔ mlɔnmlɔn.
andɛ, sa kunngba nga ɔ nyannin be sɔfuɛ mun'n ɔ'a nyan wɔ wie, kpɛkuun wɔ yɛ ɔ sa sin ɔ'a bubu wɔ yɛ! Nyrɛnnɛn kunngba'n ɔ'a tɔ ɔ su wie, kpɛkuun wɔ akunndan'n ɔ'a sanngan kɛ nga sa!
Sran nga Nyanmiɛn tu i fɔ'n, i liɛ su ti ye! Sɛ Nyanmiɛn b'ɔ kwla like kwlaa yo'n ɔ kle wɔ ngwlɛlɛ'n, nán bu i like finfin .
Ee! Anannganman, sran nga a tu i fɔ'n, i liɛ su ti ye. Sran nga a fa ɔ mmla'n kle i ngwlɛlɛ'n, i liɛ su ti ye!
Sɛ sa kekle wie tɔ wɔ su nan ɔ́ sa sin bubu wɔ'n, wuun a lɛ-man anwlɛn.
Sanngɛ kɛ ɔ ´yo nan ɔ'a bu-man e nin mɛn'n nunfuɛ mun e fɔ kunngba'n, sɛ ɔ wun fɔ é wun'n, ɔ tu e fɔ.
Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.
Ɔ man sɛ Anannganman tu amun fɔ'n, man amun wun i wlɛ kɛ ɔ yo i kɛ sran su tu i wa fɔ sa.
An `bu i bɔ kɛ sa tɛ yofuɛ'm be saci i wun'n ɔ trɛli i anwlɛn'n i akunndan nan amún sa sin a bubu-man amun nan amu'an kpɔnzɔ-man.
Be kwlaa nga n klo bé sa'n, n ijɔ be, yɛ n tu be fɔ. I sɔ'n ti, an `yaci amun nyrun kouun yolɛ'n, yɛ an kaci amun nzuɛn'n .