Nyanndra Mun 28:9 - NYANMIƐN NDƐ'N 1998

⁹ Sran nga bɔ kɛ be ´kan Nyanmiɛn mmla'n ɔ klo-man kɛ ɔ `ti wie'n, i Nyanmiɛn ng'ɔ srɛ'n bɔbɔ ɔ jɔ-man Nyanmiɛn i klun .

Nyanndra Mun 28:9 ပူးပေါင်းရင်းမြစ်များ

Jue Mun 109:7

Nan kɛ be di i jɔlɛ b'ɔ wie'n, man be wun kɛ i yɛ ɔ yoli sa nin-ɔn. Man i srɛlɛ ng'ɔ ´srɛ'n ɔ kaci sa tɛ mɛn i.

Jue Mun 66:18

Sɛ n fa sa tɛ n fiali min anwlɛn nun'n, wuun min Min'n ɔ'a tie-man min srɛwa'n .

Jue Mun 94:20

Jɔlɛ difuɛ tɛtɛ nga be kle sran'm be nyrɛnnɛn, sanngɛ wuun mmla'n wo bé sa nun, a nin bé bo ti-man kun.

Nyanndra Mun 10:3

Anannganman yaci-man sran kpa'n i awe'n nun, ɔ yaci-mɛn i awe'n nun man awe'n kun-mɛn i. Yɛ klunwifuɛ'n kusu, Anannganman fa-man like nga i konvi o su'n mɛn-mɛn i .

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:13

Sran nga bɔ kɛ nyrɛnnɛnfuɛ'n ´kpan-an ɔ bu i sukpɔ nun waka'n, i sɔfuɛ'n, cɛn ng'ɔ ´kpan kɛ: «Be `de min o!» Ɔ su nyan-man sran tɛ-mɛn i su .

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Ezai 41:24

Amun `nian, amun ti-man like fi mlɔnmlɔn, yɛ ninnge nga amun yo be'n, be ti ninnge ngbɛn-ngbɛn ngunmin. Sran ng'ɔ fɛ i wun wla amun sa nun'n, wuun ɔ'a bo tete dan .

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Jean 9:31

E si kɛ sɛ sa tɛ yofuɛ se Nyanmiɛn kɛ ɔ yo sa'n, ɔ tɛ-man su, sanngɛ sran ng'ɔ bu i sran bɔ i nyin yi'n, i sɔfuɛ'n yɛ ɔ tɛ i su-ɔ.