Nyanndra Mun 28:5 - NYANMIƐN NDƐ'N 1998

⁵ Sran nga sa tɛ'n yɛ be waan be `fa man be nan be yo'n, be si-man sa nuan su yolɛ'n i bo. Sanngɛ be nga be mantan Nyanmiɛn'n, be liɛ'n be wun sa'n kwlaa wlɛ.

Nyanndra Mun 28:5 ပူးပေါင်းရင်းမြစ်များ

Jue Mun 119:100

N si ngwlɛlɛ n tra oke mun, afin n fa ɔ mmla'n bɔ a sie be'n su.

Jue Mun 119:98

Ɔ mmla'n i ti n si ngwlɛlɛ n tra min kpɔfuɛ mun, ɔ kpɔci-man min le!

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Jue Mun 92:6

Ee Anannganman, ɔ́ sa nuan ninnge'm be ti dandan, wɔ akunndan'm bé bo'n ti kploun.

Nyanndra Mun 15:24

Sran ng'ɔ si ngwlɛlɛ'n ɔ fa atin nga be fa su-ɔ, be nyan nguan'n. Ɔ fa-man blɔlɔ liɛ'n su .

Nyanndra Mun 2:9

Sɛ a sie ɔ́ su tie min ndɛ'n, a ´si sa nuan su yolɛ'n nin kpa yolɛ'n be nun ndɛ. A ´si sa kpa'n i yo.

Nyanndra Mun 24:7

Ngwlɛlɛ'n tra sinnglinfuɛ'n i kpɛn. I sɔ'n ti, kɛ be ´kan nzra nun ndɛ'n, ɔ fata-man kɛ ɔ uke i nuan.

Ezai 1:3

Nannin'n ɔ si sran ng'ɔ lɛ i'n, yɛ aflunmun'n kusu ɔ wun like nga i min'n ɔ fa sie i lɛ kɛ ɔ di nun'n i wlɛ, sanngɛ Izraɛl si-man sa, min nvle'n i nunfuɛ'm be wun-man sa fi wlɛ.

Ezai 44:18

Be nga be yo sɔ'n, be si-man sa fi, be lɛ-man ngwlɛlɛ fi. Be nyinma'n ti katawa, i ti be wun-man ase. Be akunndan'n su ti katawa, i ti be wun-man sa wlɛ.

Ezai 6:9

Yɛ ɔ seli kɛ: «Kɔ nan ko se nvle nga nunfuɛ'm be kɛ: ‹Kannzɛ amun sie amún su'n, amun su ti-man ndɛ fi, kannzɛ amun tike amun nyinma'n be nian'n, amun su wun-man like fi.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

1 Jean 2:20

Amun liɛ'n, Nyanmiɛn fɛ i Wawɛ'n mannin amun, ɔ man amun kwlaa an wun sa wlɛ.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.