Nyanndra Mun 28:2 - NYANMIƐN NDƐ'N 1998

² Kɛ sannganlɛ'n ko tɔ mɛn kun nun'n, i su ngbɛn'm be sɔn. Sanngɛ sɛ mɛn sɔ'n wo kpɛnngbɛn b'ɔ si ngwlɛlɛ, b'ɔ si sa'n, i sa nun'n, ɔ taka kpa.

Nyanndra Mun 28:2 ပူးပေါင်းရင်းမြစ်များ

1 Famiɛn Mun 15:25

Kɛ Aza yoli Zida famiɛn'n, i afuɛ nnyɔn su yɛ Zeroboam i wa Nadab yoli Izraɛl famiɛn-ɔn. Ɔ yoli Izraɛl famiɛn afuɛ nnyɔn.

1 Famiɛn Mun 15:28

Kɛ Aza yoli Zida famiɛn'n, i afuɛ nsan su yɛ Baɛsa kunnin Nadab-ɔ, kpɛkuun ɔ trannin i osu.

Nyanndra Mun 11:11

Sran kpa'm be fa be nuannzue klanman be man klɔ'n i kɔmin su, yɛ klunwifuɛ'm be kusu be fa bé nuan nun tɛ'n be bo klɔ.

Akunndanfuɛ'n 9:15

Klɔ sɔ'n su yalɛfuɛ kun wo lɛ b'ɔ si ngwlɛlɛ kpa. I ngwlɛlɛ'n ti man klɔ'n sufuɛ'm be fiteli nun, sanngɛ sran fi wla ɔ'a kpɛn-mɛn i su.

Ezai 58:12

Lika'n bɔ be bubuli be laa'n, amun ´kplan be uflɛ, yɛ sua'n bɔ be wlali bé bo ase laa bɔ be yacili be yolɛ'n, amun wa sa bé su kɔ. Be wa flɛ amun kɛ Nja Bɔ Be Tannin Toklo, Bɔ Be Yo Atin'm Be Kpa, Bɔ Be Yo Man Be Kwla Tran Mɛn'n Nun'n.»

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.