Nyanndra Mun 28:1 - NYANMIƐN NDƐ'N 1998

¹ Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Nyanndra Mun 28:1 ပူးပေါင်းရင်းမြစ်များ

1 Famiɛn Mun 1:49

Kɛ be nga Adɔniza flɛli be kɛ be wa di cɛn'n be tili jasin'n, srɛ kunnin be. Nga jaso kɔ, nga jaso kɔ.

2 Famiɛn Mun 7:15

Be ɔli, be ko kunndɛli be lele be juli Zurdɛn'n i nuan. Kɛ be ´kɔ'n, be wunnin kɛ tralɛ mun, ɔ nin ninnge wie mun be tru atin'n nun kɔ. Kɛ Sirifuɛ'm be ´wanndi kɔ'n, bé wun b'ɔ usu-usu be'n ti, yɛ ninnge sɔ'm be guali atin'n nun-ɔn. Be nga be sunmannin be'n be sali bé sin, be wa kannin sa nga be wunnin i'n kleli famiɛn'n.

Neemi 6:11

N tɛli i su kɛ: «N ti-man sran nyrun wanndifuɛ. ?Sɛ sran kɛ min sa ɔ wlu Nyanmiɛn i sua nun'n, nán wulɛ cɛ yɛ ɔ ´wu-ɔ? N wlu-man lɔ!»

Zɔb I Nyrɛnnɛn Wunlɛ 15:21

Nganniɛn ng'ɔ ti'n, ɔ yo sro. Ɔ ti i tilɛ lɛ, kpɛkuun abɔlɛfuɛ wie ɔ'a fu i nun ɔ'a tɔ i su.

Jue Mun 112:7

Sɛ ɔ ti ndɛ tɛ wie'n, srɛ ba kun sa kun-mɛn i mlɔnmlɔn. I klun suɛ-mɛn i bɔ kaan tri! Anannganman kunngba yɛ i nyin tɛ i nyin bo-ɔ.

Jue Mun 53:5

Sa tɛ yofuɛ'm be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Jue Mun 53:6

Nian, be bɔ laa be si-man like nga be flɛ i srɛ'n, be su usu sa tututu. Nyanmiɛn wa sanngan be bɔ be kɔ kɛ be nin wɔ be ´ko kun'n be nun. Ɔ ´gua bé nyin ase, afin ɔ yili be blo.

Ezipt Lɔ Tulɛ'n 11:8

Kpɛkuun ɔ mantanfuɛ nga be o yɛ'n be kwlaa be wa koto mín bo sa klo, yɛ be ´se min kɛ: ‹A nin ɔ sran mun amun `wɔ,› kpɛkuun, wuun n su kɔ.» Moiz fali ya dan kpa nan ɔ'a jaso famiɛn'n i awlo lɔ ɔ'a ɔ.

Nyanndra Mun 10:9

Sran nanwlɛfuɛ'n, ɔ o i o lɛ bɔ diin cɛ! Sran nga kusu bɔ i atin'n ti-man ndɛnman su'n, sɛ ɔ fia-a, san wunlɛ cɛ yɛ be ´wun i-ɔ.

Nyanndra Mun 27:27

Yɛ man ɔ́ boli bla'm be nɔnnɔn'n ´ju wɔ nɔnlɛ-ɔ, a nin wɔ awlofuɛ mun, ɔ nin wɔ afanniɛn mmla mun.

Ezai 30:17

Amun kpɔfuɛ'm be nun sran kunngba ɔ ´wlanwlan amun nun sran akpi. Yɛ sɛ be nun sran nnun be wlanwlan amun'n, amun ngba kwlaa amun ´wanndi. I agualiɛ su'n, be nga be ´nyan nguan'n, be ngunmin yɛ be ´ka lɛ-ɔ. Be ´yo kɛ waka wie bɔ b'a kplɛn i oka kun su, bɔ i ngunmin o lɛ couun'n sa. Be ´yo kɛ nzɔliɛ kun bɔ b'a fa sie i kpɔlɛ kun su'n sa.»

Ezai 7:2

Be kan kleli Akaz b'ɔ fin David i osu nun'n nin i awlofuɛ mun kɛ Sirifuɛ'm b'a kpɛ be ngblaliɛ Efraim asiɛ'n su. Kɛ famiɛn'n nin i sran'm be tili ndɛ sɔ'n, be usuli kɛ bo nun lɔ waka mun yɛ aunngban'n su keje be sa.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Sa nga bé yôli'n 14:3

Pɔl nin Barnabas be cɛli Ikoni lɛ lɔuun, be kannin e Min'n i ndɛ yakpa su. Kɛ ɔ yoli man be yili atrɛ bɔ be yoli abonuan sa'n, ɔ kle kɛ i kpa yolɛ ndɛ nga be kan'n ti nanwlɛ.

Sa nga bé yôli'n 4:13

Kɛ be wunnin kɛ Piɛr nin Zan be ti yakpa'n, ɔ boli bé nuan, afin be si kɛ b'a di-man suklu, yɛ be ti-man sran dan. I sin'n, be wa wunnin i wlɛ kɛ be nin Jésus yɛ be trannin-ɔn.

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.

Mmla'n 28:7

Anannganman ɔ ´yo man amun kpɔfuɛ nga be nin amun ´ba alɛ kunlɛ'n, be su nyan-man jranwlɛ. Be balɛ'n su be ´fa atin kunngba, sanngɛ be kɔlɛ'n su'n, be wanndi be fa atin nso.

1 Tɛsalonikfuɛ Mun 2:2

An si kɛ be kleli ye nyrɛnnɛn, be yoli ye finfin Filip lɔ. Kɛ e juli amun wun lɔ'n, e fɛli dan kpa ekun, sanngɛ Nyanmiɛn man e tra e anwlɛn e kɛnnin i jasin fɛ'n kleli amun.