Nyanndra Mun 27:8 - NYANMIƐN NDƐ'N 1998

⁸ Sran ng'ɔ jaso i mɛn liɛ'n nun kɔ mɛn uflɛ nun lɔ ko wlan-wlan ngbɛn'n, i sɔ sran liɛ'n ti kɛ anunman wie bɔ ɔ'a yaci i sua'n lɛ ɔ'a ɔ wlanlɛ mmua'n sa.

Nyanndra Mun 27:8 ပူးပေါင်းရင်းမြစ်များ

Bo Bolɛ 21:14

Yɛ Abraam jasoli nglɛmun tutu kpa'n, ɔ fali like diwa nin nzue kplo kun mannin Agar, ɔ fali ba'n sieli i sin nan ɔ'a se i kɛ be wɔ. Agar toli i ti Beɛr-Seba aawlɛ flɛnnɛn'n nun lɔ.

Bo Bolɛ 4:16

Yɛ Kaɛn jasoli Anannganman i wun lɛ ɔli mmua-a. Ɔ ko trannin Nɔd mɛn'n nun lɔ Edɛni fie'n i wia afiliɛ lɔ.

1 Famiɛn Mun 11:22

Ezipt famiɛn'n usɛli i kɛ: «Kɛ a o wa'n, nguɛ yɛ ɔ mian wɔ ti yɛ a su srɛ atin ´kɔ ɔ mɛn'n nun-ɔn?» I waan: «Nán kɛ like mian min ti-ɔ, sanngɛ ɔ li man min atin man n wɔ.»

1 Famiɛn Mun 19:9

Kɛ ɔ juli lɛ'n, ɔ wluli yɛbuɛ'n i buɛ'n nun, nan ɔ'a la lɛ kɔnguɛ. Yɛ Anannganman i nuan toli i-ɔ, ɔ usɛli kɛ: «?Eli, ɔ yo sɛ ti yɛ a o wa-a?»

Nyanndra Mun 21:16

Sran nga b'ɔ wun ngwlɛlɛ atin nin-ɔn ɔ fa-man su'n, i sɔfuɛ'n blɔlɔ atin'n yɛ ɔ fa-a.

Nyanndra Mun 26:2

Sannzan nga sran ɔ'a yo-man like fi bɔ be bo i'n, ɔ ti ngbɛn. I wafa'n ti kɛ anunman b'ɔ tu kɔ lelele ɔ tran-man like su'n sa .

Nyanndra Mun 27:7

Sran nga bɔ i ku ti yiwa'n, kannzɛ be mɛn i awɛma nzue-ɔ, ɔ di-man. Sanngɛ sran nga bɔ awe kun i'n, kannzɛ man like'n ɔ yo wi sɛ, sanngɛ ɔ yo fɛ i nuan nun.

Ezai 16:2

Arnɔn nzue ba'n i wun lɔ'n, Moab bla'm be ´yo kɛ anunman bɔ be wlan-wlan be tu be sin'n sa. Be ´yo kɛ anunman ba kanngan bɔ b'a kan bé bo bé sua'n nun'n sa.

Zonas 1:3

Sanngɛ Zonas ´kunndɛ wanndi Anannganman bo ´kɔ Tarsis. Ɔ ko juli Zafo, ɔ ´nian-an, mmeli kun su kɔ Tarsis. Ɔ tuali mmeli'n i kalɛ, nan ɔ'a wlu nun yɛ fuauun, ɔ nin be bɔ be ´kɔ Tarsis'n be kɔlɛ nun-ɔn . I waan ɔ wanndi Anannganman i bo.

1 Korɛntfuɛ Mun 7:20

Wafa nga sran kun ti bɔ Nyanmiɛn fa flɛli i'n, man ɔ ka su.

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

1 Samiɛl 22:5

Kpɛkuun Nyanmiɛn nuan ijɔfuɛ bɔ be flɛ i Gad'n seli David kɛ: «Nán ka fiawlɛ nga nun wa. Kɔ Zida nvle'n nun lɔ.» Yɛ David ɔli-ɔ. Ɔ ko trannin Erɛt bo'n nun lɔ.