Nyanndra Mun 27:4 - NYANMIƐN NDƐ'N 1998

⁴ Ya tɛ'n ɔ man be kun sran-an ɔ yo ye. Anwlɛn fufu'n ɔ man be ´yo sa-a be wun-man nun. Anyinbloɛ'n i liɛ'n tra ngba, sran fi kwla jrɛn-mɛn i nyrun.

Nyanndra Mun 27:4 ပူးပေါင်းရင်းမြစ်များ

Bo Bolɛ 26:14

B'ɔ ti kɛ klɔ nnɛn sa'n, i bua o, i boli o, i nannin o, ɔ nyannin wie kpa. Yɛ i sa nun sran'm be sɔnnin. Filistifuɛ'm be nyin bloli Izaak i ninnge'm bé wun.

Bo Bolɛ 37:11

I niaan'm bé nyin bloli i wun. I si kusu fali sa sɔ'n sieli i klun.

Bo Bolɛ 38:9

Sanngɛ, Ɔnan si kɛ sɛ ɔ nin i niaan bian'n i angboti'n be ´wu ba'n, ɔ su yo-mɛn i liɛ. I sɔ'n ti kɛ ɔ nin i be la, ɔ biebie asiɛ wun kɛ ɔ yo nan ɔ'a wu-man ba ɔ'a mɛn-mɛn i niaan bian'n ti.

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Nyanndra Mun 14:30

Bé wla b'ɔ gua ase'n ɔ yo man be yo juejue, sanngɛ anyinbloɛ ɔ ti kɛ ngbaciɛ b'ɔ o be owie'n nun'n sa.

Nyanndra Mun 27:3

Yɛbuɛ'n yo nɔnnin. Aunnyan'n kusu ti kpɛnkplɛnkpɛn. Sanngɛ sinnglinfuɛ'n i ya'n yo nɔnnin tra be bue nnyɔn'n.

Nyanndra Mun 6:34

Afin kwla silɛ'n ɔ wla sran yasua'n i nyannyrin. Sɛ i klunngbɔ yɛ i waan ɔ ´tu'n, ɔ si-mɛn i nin akɔ, ɔ si-mɛn i si akɔ.

Ngɔjue Fɛfɛ Kpa'n 8:6

Sɛ be yo sɔ-ɔ ɔ yo ye'n, wuun n ´se kɛ a `fa min sie wɔ anwlɛn'n su kɛ nzɔliɛ sa, wuun n ´se kɛ a `fa min ta ɔ́ sa'n su kɛ nzɔliɛ sa. Afin klolɛ'n ɔ kwla kɛ wie'n sa. Sɛ a wu sran kun ti'n, be bli wɔ-ɔ a bli-man. Ɔ ti kɛ blɔlɔ kɔlɛ'n sa, ɔ lɛ-mɛn i ayre. Kwla silɛ'n ɔ jue sran'n nun kɛ sin sa, ɔ jue kɛ sin sroesroe wie sa .

Matthieu 27:18

Afin ɔ si kɛ bé nyin b'ɔ ci Jésus'n ti yɛ be fɛ i ko mɛnnin i-ɔ.

Sa nga bé yôli'n 17:5

Sanngɛ Zuif'm be fali bé nyin cili Pɔl nin Silas. Be ko tuli sran wie bɔ be lɛ-man like yo-man'n, yɛ be ko yiali sran kpanngban be tɔli klɔ'n su, yɛ awuyomo'n tɛli klɔ'n nun-ɔn. Be tɔli Zazɔn i awlo'n su kɛ be ´tra Pɔl nin Silas kɔ nzra nun lɔ.

Sa nga bé yôli'n 5:17

I sɔ'n yoli Nyanmiɛn nyrun jranfuɛ'm be su kpɛn'n nin i minniɛn Sadisefuɛ'm be kwlaa be ya, ɔ man bé nyin cili be bɔ Jésus sunmannin be'n,

Sa nga bé yôli'n 7:9

E nannan'm bé nyin cili Zozɛf, nan b'a yo i atɛ kɛ kanga sa nan be `fɛ i ɔ Ezipt, sanngɛ Nyanmiɛn jrɛnnin i sin .

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

1 Samiɛl 18:9

Kɛ ɔ ´fɛ i lɛ'n, Sail buli David i kunlɛ akunndan.