Nyanndra Mun 27:23 - NYANMIƐN NDƐ'N 1998

²³ Nian ɔ nnɛn'm be lika kpa, nian bé su kpa.

Nyanndra Mun 27:23 ပူးပေါင်းရင်းမြစ်များ

Bo Bolɛ 33:13

Zakɔb tɛli i su kɛ: «Ɔ bɔbɔ a si kɛ ba'm be nantilɛ yo ya. Bua nin nannin nga ba o bé sin'n, n kwla fa be kɔ-man ndɛndɛ. Sɛ e waan e ´kpli e ´ju lɔ andɛ'n, nnɛn'm be kwlaa be ´wie wu mín sa nun.

2 Be Nyoliɛ 26:10

Ɔ kplannin sua bɔ be di nun gladi'n aawlɛ flɛnnɛn'n nun lɔ. Ɔ kpɛli nzue gbo kpanngban mɛn'n i ngua lɔ nin lika kpɛtɛkplɛɛ'n nun lɔ, afin ɔ lɛ nnɛn kpanngban. Ɔ lɛ fie difuɛ mun nin vinyi fie su nianfuɛ mun bɔ be di i junman kpɔlɛ'm be su lɔ nin vinyi fie'm be nun'n, afin ɔ klo asiɛ wun junman bɔ be di'n kpa.

Ezipt Lɔ Tulɛ'n 7:23

Famiɛn kacili i sin sili be, ɔ ɔli i awlo, ɔ'a bu-man ndɛ sɔ'n i ndɛ.

Nyanndra Mun 24:27

Dun mmua wie ɔ junman nga be o guasu lɔ'n be di, yɛ ɔ fie'm bé su junman mun, wie be di nan w'a bu sua kplanlɛ'n wun akunndan.

Nyanndra Mun 24:32

Kɛ n wunnin i sɔ'n, n niɛnnin i siin! Kpɛkuun sa nga n nyɛnnin i nun'n yɛ.

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Ezekiɛl 34:12

N ´tian bé nuan kɛ bua su nianfuɛ ɔ tian i nnɛn nga b'a bo b'a sanndi'n bé nuan'n sa. Cɛn nga bɔ nzue tɔ'n, lika kwlaa nga be ɔli lɛ'n, n ´ko kunndɛ be.

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Jean 10:3

Sran ng'ɔ nian anuan su'n, ɔ tike i anuan, bua'm be ti i nɛn'n. Bua'm be ti i liɛ, ɔ fa be dunman'n flɛflɛ be, ɔ fa be fite guasu lɔ.

Mmla'n 32:46

ɔ seli be kɛ: «Ndɛ nga m'an kɛn i ndɛ yɛ'n, man ɔ yo amun cinnjin. Amun `kan kle amun osu nunfuɛ mun. Man be nian mmla nga su be nanti.

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

1 Samiɛl 17:28

Kɛ David ´usa sa'n, i nyrun kpɛnngbɛn yasua'n bɔ be flɛ i Eliab'n, ɔ tili nan ɔ'a fɛ i wun ya. Ɔ usɛli i kɛ: «?A ba nzu yolɛ wa? ?Wan sa nun yɛ a yacili ɔ bua mun aawlɛ'n nun lɔ-ɔ? Man kɛ ɔli a sro-man sa, ɔ gblɛ ba! Alɛ'n i nianlɛ cɛ ti yɛ a bali-ɔ.»