Nyanndra Mun 27:22 - NYANMIƐN NDƐ'N 1998

²² Man be tu sinnglinfuɛ'n wun kɛ be su tu nviɛlɛ wun sa, nán kɛ i sinnzin'n ´tu i wun le ti-ɔ.

Nyanndra Mun 27:22 ပူးပေါင်းရင်းမြစ်များ

1 Famiɛn Mun 13:33

Sa ng'ɔ juli lɛ'n, ɔ'a kle-man Zeroboam kɛ ɔ `yaci i atin tɛ'n. Ɔ fali sran mun sieli be sraka yiwlɛ lika sɔ'm bé su ekun kɛ be yo sraka yifuɛ. Sran kwlaa ng'ɔ klo kɛ ɔ ´yo sraka yifuɛ'n, ɔ fɛ i fa sie sraka yiwlɛ lika sɔ'm bé su.

Ezipt Lɔ Tulɛ'n 12:30

Kɔnguɛ sɔ nun'n, famiɛn'n i mantanfuɛ'm be nin Eziptfuɛ'm be kwlaa be jasoli. Be tili awuyomo bolɛ mɛn wunmuan'n nun, afin ɔ lɛ-man awlo kun bɔ sran ɔ'a wu-man nun-ɔn.

Ezipt Lɔ Tulɛ'n 14:5

Kɛ Ezipt famiɛn'n tili i kɛ Izraɛlfuɛ'm b'a wanndi'n, ɔ nin i mantanfuɛ'm be akunndan'n kacili, be waan: «?Nguɛ sa li yɛ y'a yo i yɛ? ?Ɔ yo sɛ ti yɛ e yacili be lɛ be ɔli bɔ y'a tra-man be ase kɛ be yo e kanga-a?»

Ezipt Lɔ Tulɛ'n 15:9

E kpɔfuɛ'm be waan: ‹E ´fuan be lele e ´to be kpɔ, e ´cɛcɛ bé bo ninnge'm be nun, e ´fɛ i kwlaa nga e klo'n, e ´fa tratra su, e ´cuɛn e tokofi mun nan e ´nunnun be.›

Nyanndra Mun 14:24

Anyanbeun'n ɔ ti akunndanfuɛ'm be kɔmin su manlɛ like. Sinnglinfuɛ'm be ´ka be sinnzin'n nun titi.

Nyanndra Mun 23:35

A ´se ɔ klun lɔ kɛ: «?N kpa'n, sran wie boli min kusu min lika yo-man min ya? Be boli min nin ngble, m'an wun-man nun. ?N ´yo sɛ nan m'an jaso? Sɛ n yo blɛblɛ nan n jaso'n, n ´srɛ nzan ekun n ´nɔn.»

Nyanndra Mun 26:11

Kɛ alua'n kpu gua b'ɔ sɛ i sin di i ekun'n, kɛ sinnglinfuɛ'n kusu ti sɔ-ɔ. I sinnzin sa ng'ɔ yo be'n, ɔ flan be nun yo i ekun.

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

1 Samiɛl 19:21

Kɛ Sail tili'n, ɔ sunmannin sran uflɛ mun, be kusu be wa kannin Nyanmiɛn i nuan su ndɛ'n wie. Sail ɔ'a ka-man ng'ɔ o lɛ su, ɔ sunmannin sran mun ekun. Be kusu be wa kannin Nyanmiɛn nuan ndɛ'n wie.