Nyanndra Mun 27:18 - NYANMIƐN NDƐ'N 1998

¹⁸ Sran ng'ɔ nian figie'n su'n, ɔ ´di i su mma. Sran nga kusu bɔ niɛn i min bian'n i lika kpa'n, ɔ ´nyan nyrun .

Nyanndra Mun 27:18 ပူးပေါင်းရင်းမြစ်များ

2 Famiɛn Mun 18:31

Nán amun tie Ezekias i ndɛ ng'ɔ kan'n!› Asiri famiɛn'n wan yoo: ‹Amun man e siesie ye afiɛn, amun `fa amun wun man min, i liɛ'n amun ´kwla di amun bɔbɔ amun vinyi'n ɔ nin amun bɔbɔ amun figie'm be su mma, yɛ amun ´kwla nɔn amun bɔbɔ amun nzue gbo'n be nun nzue'n.

2 Famiɛn Mun 3:11

Yɛ Zozafat usali kɛ: «?Anannganman i nuan ijɔfuɛ fi nun-man wa b'ɔ ´wun Anannganman wun ´man ye-ɔ?» Izraɛl famiɛn'n i sonja'm bé su kpɛn'n kun waan: «Safat i wa Elize bɔ laa ɔ gua Eli sa su nzue'n wo wa.»

2 Famiɛn Mun 5:25

Yɛ Geazi ɔli i min'n i wun lɔ-ɔ. Elize usɛli i kɛ: «?Geazi, a fin nin?» Ɔ tɛli i su kɛ: «Min min, m'an ɔ-man lika fi!»

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

Ɛstɛr 6:11

Yɛ Aman fali tralɛ'n nin nnɛn kpanngɔ nin-ɔn. Ɔ fali tralɛ'n wlali Mardose, ɔ fɛ i wlannin klɔ'n nun, ɔ dun mmua i nyrun yɛ ɔ kpan-an: «Sɛ famiɛn waan ɔ ´manman sran'n, kɛ ɔ yo i sa.»

Jue Mun 123:2

Kɛ famiɛn kun i sufuɛ'm bé nyin wo be min bian sɔ'n su'n, annzɛ kɛ afanniɛn bla'n i nyin wo i min bla'n su'n, i kunngba nin-ɔn. E kusu é nyin wo Anannganman e Nyanmiɛn'n su lele ɔ si ye aunnvuɛ.

Ezipt Lɔ Tulɛ'n 24:13

Moiz nin Zozie b'ɔ ti i sufuɛ'n be fuli Nyanmiɛn i oka'n su lɔ.

Nyanndra Mun 17:2

Akua ng'ɔ ti ngwlɛlɛfuɛ'n i nyrun ba nyan tra awlo ba nga b'ɔ si-man ngwlɛlɛ'n. Ɔ man sɛ be ´cɛ awlo aja ninnge'n, bé wla fi-mɛn i su.

Nyanndra Mun 22:29

Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Nyanndra Mun 27:17

Sran wun kɔlɛ'n, ɔ kaci be kɛ limun bɔ be fa si bese'n sa, ɔ man be yo kpa.

Nyanndra Mun 27:19

Sɛ a nian nzue nun'n, a wun ɔ bɔbɔ ɔ nyrun'n. I kunngba'n, kɛ a nian sran wie mun siin'n, kpɛkuun a wun ɔ bɔbɔ ɔ klun lɔ akunndan'n i wlɛ.

Ngɔjue Fɛfɛ Kpa'n 8:12

Min vinyi liɛ'n, m bɔbɔ yɛ n nian su-ɔ. Salomɔn, fa ɔ sika jɛtɛ ufue akpi'n, bɔ i nun ya nnyɔn ti vinyi su nianfuɛ'm be liɛ'n.

Ezai 36:16

Nán amun tie Ezekias i ndɛ ng'ɔ kan'n!› Asiri famiɛn'n wan yoo: ‹Amun man e siesie ye afiɛn, amun `fa amun wun man min, i liɛ'n amun ´kwla di amun bɔbɔ amun vinyi'm be su mma nin amun bɔbɔ amun figie'm be su mma, yɛ amun ´kwla nɔn amun bɔbɔ amun gbo'm be nun nzue.

Matthieu 24:25

M'an dun mmua m'an bo su a kle amun.

Matthieu 24:46

Junman difuɛ nga kɛ i min'n ´ba'n ɔ di i junman sɔ'n, i liɛ su ti ye!

Marc 10:43

Amun liɛ'n su yo-man sɔ, sanngɛ amun nun sran ng'ɔ klo kɛ ɔ ´yo dan'n, man ɔ su i wiengu mun,

JÉSUS-CHRIST I DYASIN FE'N BO LUC KLELI'N 12:37

Be nga kɛ be min'n ´ba'n bé nyin o i sin'n, be liɛ su ti ye! An `nian nga b'ɔ ´yo'n yɛ: ɔ ´fɛ i tannin'n kpɛ i bo, ɔ man be ´tran ase, yɛ i bɔbɔ ɔ ´isa aliɛ nga be wa di'n man be-ɔ.

JÉSUS-CHRIST I DYASIN FE'N BO LUC KLELI'N 12:42

Yɛ e Min'n seli kɛ: «?Wan yɛ ɔ ti sran kpa b'ɔ si like su nian kpa, bɔ i min'n fɛ i sie i minniɛn'm be su kɛ ɔ man be aliɛ cɛn bɔ be sieli'n su nin-ɔn?

JÉSUS-CHRIST I DYASIN FE'N BO LUC KLELI'N 19:17

Yɛ wlengbi'n seli i kɛ: ‹Ɔ ti kpa, a ti sran kpa, like kaan nga m mannin wɔ bɔ a yoli i kpa'n ti'n, m ´man wɔ klɔ blu nan a sie be.›

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Sa nga bé yôli'n 10:7

Kɛ anz'n b'ɔ kan ndɛ kleli Kɔrnɛyi'n wɔli'n, ɔ flɛli i sran'm be nun nnyɔn yɛ i sonja bɔ be mɛntɛn i'n be nun kun b'ɔ sro Nyanmiɛn'n.

1 Korɛntfuɛ Mun 3:8

Sran ng'ɔ ta'n nin ng'ɔ gua su nzue'n, be nnyɔn'n be sɛ, kɛ sran kun fa di i junman'n juli'n, Nyanmiɛn ´mɛn i i nuan like.

1 Korɛntfuɛ Mun 9:13

?An si-man kɛ be nga be di junman Nyanmiɛn i sua'n nun'n i nun ninnge'n yɛ be fa ta bé wun-ɔn, yɛ amun si-man kɛ be nga be jran Nyanmiɛn nyrun'n be nyan be ninnge liɛ'n nga be fa man Nyanmiɛn'n i nun ?

1 Korɛntfuɛ Mun 9:7

?Wan yɛ ɔ o sonja nun b'ɔ tuɛ i bɔbɔ wun kalɛ-ɔ? ?Wan yɛ ɔ di fie b'ɔ di-man su like-ɔ? ?Wan yɛ ɔ ta nnɛn b'ɔ nɔn-mɛn i nɔnnɔn-ɔn?

Kolɔsfuɛ Mun 3:22

Kanga mun, man amún nyin yi amun min mun sa'n kwlaa nun, yɛ an `bu be sran. Nán kɛ kɛ be o lɛ'n i ngunmin yɛ an yo i sɔ nan sran'm be klun jɔ amun wun-ɔn. Sanngɛ e Min'n bɔ an sro i'n ti, like nga an yo'n, nán an bu i sin.

2 Timote 2:6

Fie difuɛ'n ng'ɔ di junman bɔ fɛ'n yɛ ɔ fata kɛ ɔ dun mmua nyan i fie nun like-ɔ.

1 Piɛr 2:18

Kanga mun, man amún nyin yi amun min mun kpa, an `bu be sran. Nán be nga be ti kpa bɔ be ti wɛtɛɛ'n be ngunmin yɛ an `yo be sɔ-ɔ, sanngɛ man amún nyin yi be nga be yo wlɛ'n.

1 Piɛr 2:21

I sɔ yolɛ ti yɛ Nyanmiɛn flɛli amun-ɔn, afin amun ti, Krist bɔbɔ wunnin nyrɛnnɛn. Ɔ yoli sɔ kɛ an nian su nan an nanti i ajalɛ liɛ'n su.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.