Nyanndra Mun 27:11 - NYANMIƐN NDƐ'N 1998

¹¹ Mín wa, fa akunndan nanti. Sɛ a fa akunndan nanti'n, n klun ´jɔ. I liɛ'n, sɛ sran kan mín wun ndɛ'n, n ´kwla sɔ su.

Nyanndra Mun 27:11 ပူးပေါင်းရင်းမြစ်များ

Jue Mun 119:42

Be nga be kpɛ min nzowa'n, man n nyan wie n tɛ be su, afin ɔ́ nuan ndɛ'n yɛ n fa n wla'n n gua su-ɔ.

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Nyanndra Mun 10:1

Salomɔn i nyanndra. Ba ng'ɔ si akunndan'n ɔ yo man i si klun jɔ dan. Ba ng'ɔ wun-man sa wlɛ'n kusu ɔ wlɛ i nin klunngbɔ.

Nyanndra Mun 15:20

Ba ng'ɔ ti akunndanfuɛ'n, i si klun jɔ i wun. Sinnglinfuɛ'n kusu ɔ bu-mɛn i nin sran.

Nyanndra Mun 26:16

Fuɛnfuɛ'n bu i wun ngwlɛlɛfuɛ tra sran nso bɔ be ´kan be ndɛ-ɔ, be kɛn i akunndan nun'n.

Nyanndra Mun 27:12

Kɛ ngwlɛlɛfuɛ'n wun ndɛ'n bɔ ɔ'a wla trɔ b'ɔ ´ba'n, ɔ cuɛn i wun. Sanngɛ sran nga i bɔbɔ ɔ kwla ukɛ-mɛn i wun'n, ɔ fɛ i wun ko yi nun. Ɔ man kusu ɔ isa ndɛ sɔ'n i bo nzuɛn'n.

Nyanndra Mun 29:3

Sran ng'ɔ klo kɛ ɔ ´si akunndan'n, sran sɔ'n ti i si klun jɔ. Sran nga kusu bɔ tekle mmla'm bé wun yɛ ɔ kɔ'n, ɔ mlin i wun ninnge kpakpa mun.

Filemɔn 1:7

N niaan bian, klolɛ nga a fa klo be'n ti'n, ɔ man ń wla gua ase yɛ n klun jɔ dan, afin wɔ man Nyanmiɛn i sran'm be anwlɛn tɔ nzue nun.

2 Jean 1:4

Kɛ n wunnin kɛ ɔ mma'm be nun wie'm be fa ndɛ nga e Si kan kleli ye'n su, bɔ be ti nanwlɛfuɛ titi'n, n klun jɔ dan kpa.