Nyanndra Mun 26:24 - NYANMIƐN NDƐ'N 1998

²⁴ Sran ng'ɔ kpɔ wɔ'n i sa'm be yolɛ nun'n, ɔ yo i wun kɛ ɔ klo wɔ sa. Sanngɛ wuun ɔ́ wun kpɔɛ o i klun lɔ.

Nyanndra Mun 26:24 ပူးပေါင်းရင်းမြစ်များ

Bo Bolɛ 34:13

Kpɛkuun Zakɔb i mma'm be fali gblɛ be fa tɛli Sisɛm nin i si Amɔr be su sokpalɛ bɔ Sisɛm sokpali be niaan bla Dina'n ti.

2 Samiɛl 13:26

Absalɔm waan: «Yoo, sɛ ɔ waan a kɔ-man'n, man min niaan bian Amnɔn i atin man ɔ ko sunman ye.» Famiɛn'n usɛli i kɛ: «?Ɔ `ko yo nzu ɔ lika lɔ?»

2 Samiɛl 13:27

Absalɔm srɛli i lelele yɛ famiɛn'n man i mma'm be kwlaa be ɔli-ɔ. Amnɔn ɔli wie.

2 Samiɛl 20:9

Zoab seli Amaza kɛ: «?Aniaan, ɔ wun ti kpa?» Yɛ ɔ fɛli i sa fama'n trali Amaza i akanza'n nan ɔ'a tɔ i nun.

Neemi 6:2

kpɛkuun Sanbalat nin Gesɛm be toli min ngaliɛ kɛ: «Bla man e wun é wun klɔ b'ɔ o Ɔno kongo'n nun lɔ i su lɔ.» Be buli mín wun akunndan tɛ.

Jue Mun 12:3

Sran'm be suɛn tɔnlɛ'n yɛ sran wie'm be waan be fa man be-ɔ. Be nuan nun ndɛ'n ti sa nɛnkɛn-nɛnkɛn, sanngɛ be anwlɛn'n ti nnyɔn-nnyɔn.

Jue Mun 28:3

Nán fa sa nga a fa yo sa tɛ yofuɛ mun'n fa yo min wie. Bé nuan nun'n ti nɛnkɛn-nɛnkɛn, kusu wuun gblɛ'n ɔ'a yi be piɛ.

Jue Mun 41:6

Min kpɔfuɛ'm be kan mín wun ndɛ tɛtɛ. Be usa kɛ: «?Cɛn onin ko yɛ ɔ ´wu-ɔ? ?Cɛn onin yɛ i dunman'n ɔ ´nunnun-ɔn?»

Nyanndra Mun 10:18

Sran nga bɔ i wiengu wun kpɔɛ o i klun b'ɔ fia su'n, i sɔ sran liɛ'n ɔ ti gblɛfuɛ. Yɛ sran nga kusu b'ɔ tɔn sran suɛn sin'n, i sɔ sran liɛ'n ɔ ti sinnglinfuɛ.

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 12:17

Sran ng'ɔ di nanwlɛ'n, ɔ yo man jɔlɛ difuɛ'm be fɛ-man, atofuɛ'n kusu gblɛ'n yɛ ɔ ti i liɛ-ɔ.

Nyanndra Mun 12:20

Be nga be bu akunndan tɛ'n, gblɛ'n wo be anwlɛn'n nun. Be nga kusu bɔ anuansɛ ndɛ yɛ be kan kle sran mun'n, aklunjuɛ'n ti be liɛ.

Nyanndra Mun 12:5

Sran kpafuɛ mun, sa ng'ɔ ti i su'n yɛ be kunndɛ be yo-ɔ. Sran tɛfuɛ'm be kusu be liɛ'n gblɛgblɛ ninnge mun yɛ be kunndɛ be yo-ɔ.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 23:7

Afin akunndan ng'ɔ bu i klun lɔ'n, ɔ nin i nuan su ndɛ'n ti-man kun. Ɔ se wɔ kɛ: «Aliɛ yɛ ɔ o lɛ-ɔ, di, yɛ nzan yɛ ɔ o lɛ-ɔ, nɔn.» Sanngɛ ng'ɔ ´kɛn i lɛ'n, nɛ́n i klun su-ɔ.

Zeremi 9:4

Be lakalaka be wiengu. Be di-man nanwlɛ. Ato bualɛ'n yɛ be suan-an. B'a yo sa tɛ'n lele ɔ'a flan be bɔbɔ siɛn'n.

1 Samiɛl 18:17

Sail seli i klun lɔ kɛ: «M bɔbɔ n su n yo-mɛn like. Filistifuɛ'm be ´ko kun i.» Yɛ ɔ seli David kɛ: «Merab b'ɔ ti min wa bla kpɛnngbɛn'n yɛ ɔ o lɛ-ɔ, sɛ a fa yakpa su min nan a nian Anannganman i alɛ'n nun kun'n, n ´fɛ i m ´man wɔ kɛ a jɛ i.»