Nyanndra Mun 26:23 - NYANMIƐN NDƐ'N 1998

²³ Sran nga bɔ i nuan nun ndɛ'n ti nɛnkɛn-nɛnkɛn ngbɛn bɔ i klun ti-man ufue'n, ɔ ti kɛ sika fiɛn bɔ b'a klo i b'a guɛ i sɛ wie wun'n sa.

Nyanndra Mun 26:23 ပူးပေါင်းရင်းမြစ်များ

Nyanndra Mun 10:18

Sran nga bɔ i wiengu wun kpɔɛ o i klun b'ɔ fia su'n, i sɔ sran liɛ'n ɔ ti gblɛfuɛ. Yɛ sran nga kusu b'ɔ tɔn sran suɛn sin'n, i sɔ sran liɛ'n ɔ ti sinnglinfuɛ.

Nyanndra Mun 23:7

Afin akunndan ng'ɔ bu i klun lɔ'n, ɔ nin i nuan su ndɛ'n ti-man kun. Ɔ se wɔ kɛ: «Aliɛ yɛ ɔ o lɛ-ɔ, di, yɛ nzan yɛ ɔ o lɛ-ɔ, nɔn.» Sanngɛ ng'ɔ ´kɛn i lɛ'n, nɛ́n i klun su-ɔ.

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Nyanndra Mun 26:25

Kɛ ɔ ´kan ndɛ'n i fɛfɛ ´kle wɔ lɛ'n, nán fa su. Afin ɔ́ wun akunndan ng'ɔ bu'n, ɔ ti-man kpa mlɔnmlɔn.

Nyanndra Mun 27:6

Sɛ ɔ janvuɛ tu wɔ fɔ'n, wuun ɔ klo wɔ ti-ɔ. Ɔ kpɔfuɛ nga kusu b'ɔ ´tɔ ɔ nun lɛ'n, ɔ lakalɛ yɛ ɔ laka wɔ-ɔ.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Matthieu 23:27

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an ti kɛ ndia su sua bɔ b'a kɛn i ayre ufue'n sa, i talɛ'n yo klanman, sanngɛ i klun lɔ'n ti sran owie nin ninnge tɛtɛ wafa'n kwlaa.

JÉSUS-CHRIST I DYASIN FE'N BO LUC KLELI'N 11:39

Yɛ e Min'n seli i kɛ: «Amun Farizifuɛ mun, an wunnzin klowa nin talie'm bé sin, sanngɛ amun anwlɛn'n nun ti sa tɛtɛ, yɛ an de sran'm be like wue kekle su.