Nyanndra Mun 26:18 - NYANMIƐN NDƐ'N 1998

^18-19 Sran nga b'ɔ lɛkɛlɛkɛ i wiengu'n, bɔ i sin ɔ wa se i kɛ: «Min waan n ´yo sɔ nan e sri'n,» i sɔ sran liɛ'n ti kɛ fiaunfuɛ b'ɔ toto yiendre nin ta mma mun, ɔ nin like b'ɔ kun sran'n sa.

Nyanndra Mun 26:18 ပူးပေါင်းရင်းမြစ်များ

Bo Bolɛ 49:23

Ta tofuɛ'm be nin i nyɛnnin i, be toli be ta'n i wun, be klɔklɔli i.

Nyanndra Mun 25:18

Sɛ be fa kate, annzɛ tokofi, annzɛ ta mma piembie be fa yo sran like'n, ɔ wun i ya'n sa fiaan. Suɛn nga sran fa tɔn i wiengu'n, kɛ i kusu ti sɔ-ɔ.

Nyanndra Mun 7:23

Ɔ suli i su sɔ lele san be ko wɔli i cua yɛ ɔ wunnin kɛ kannzu like ɔ'a yo i-ɔ. Ɔ ti kɛ anunman bɔ ɔ'a ko tɔ aya nun'n sa, afin kɔlɛ ng'ɔ ´kɔ lɛ'n, ɔ si-man kɛ wie atin yɛ ɔ'a fa-a.

Ezai 50:11

Amun kwlaa nga amun sɔ sin nuan'n, bɔ amun sɔ ta mma'm be nuan'n, amun ´wlu amun bɔbɔ amún sin sɔ'n nun, amun ´wlu ta mma nga amun sɔli be nuan'n be afiɛn. Anannganman yɛ man amun ´yo sɔ-ɔ. Amun ´tran nyrɛnnɛn'n nun.

Jɔlɛ Difuɛ Mun 15:4

Yɛ Samsɔn ɔli nan ɔ'a ko tra nsoso ya nsan. Ɔ fali nsoso'm be lua'n wɔli su nan ɔ'a cici be nnyɔn-nnyɔn. Yɛ ɔ fali tɛ mun sieli nsoso'm be afiɛn kan be lua'n wɔ su lɛ'n.