Nyanndra Mun 25:4 - NYANMIƐN NDƐ'N 1998

⁴ Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Nyanndra Mun 25:4 ပူးပေါင်းရင်းမြစ်များ

Jue Mun 66:10

Ee Nyanmiɛn, a niannin e klun lɔ akunndan'n! A sali ye niannin, a yoli ye kɛ jɛtɛ ufue bɔ be tɔn bɔ i nun fiɛn'n fite'n sa.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 25:3

Kɛ nyanmiɛn b'ɔ la nglo lɔ plaii'n i tɛtrɛ kɔ lele ju'n, e si-mɛn i tiwa, yɛ kɛ asiɛ'n i bo'n ti kploun ju'n, bɔ e si-mɛn i bo'n, kɛ famiɛn'm be kusu be akunndan'n ti sɔ-ɔ. Be klun'n ti kɛ bo sa, e si i-ɔ ɔ yo-man ye.

Nyanndra Mun 26:23

Sran nga bɔ i nuan nun ndɛ'n ti nɛnkɛn-nɛnkɛn ngbɛn bɔ i klun ti-man ufue'n, ɔ ti kɛ sika fiɛn bɔ b'a klo i b'a guɛ i sɛ wie wun'n sa.

Ezekiɛl 22:18

«Klɔ sran, Izraɛlfuɛ'm b'a kaci min nyrun kɛ sika ɔkwlɛ bɔ fiɛn o nun'n sa. Be ti kɛ jɛtɛ ufue, annzɛ etɛn, annzɛ blalɛ, annzɛ sunmun bɔ be wla be buɛ nun be gua be su sin kɛ ɔ ´yo nan b'a yo yɛiin'n sa.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.