Nyanndra Mun 25:3 - NYANMIƐN NDƐ'N 1998

³ Kɛ nyanmiɛn b'ɔ la nglo lɔ plaii'n i tɛtrɛ kɔ lele ju'n, e si-mɛn i tiwa, yɛ kɛ asiɛ'n i bo'n ti kploun ju'n, bɔ e si-mɛn i bo'n, kɛ famiɛn'm be kusu be akunndan'n ti sɔ-ɔ. Be klun'n ti kɛ bo sa, e si i-ɔ ɔ yo-man ye.

Nyanndra Mun 25:3 ပူးပေါင်းရင်းမြစ်များ

Jue Mun 103:11

Sanngɛ kpa ng'ɔ yo be bɔ bé nyin yi i'n, i dan'n ɔ ti kɛ nyanmiɛn'n b'ɔ la nglo lɔ plaii'n ɔ fa o asiɛ'n i ti su mmua-mmua fuun ju'n sa.

Nyanndra Mun 25:2

Sa nga ti bɔ Nyanmiɛn lɛ nyrun'n, yɛlɛ kɛ klɔ sran'n wun-mɛn i sa'm be ngba be bo. Famiɛn'm be kusu sa nga ti bɔ be nin manmanlɛ fata'n, yɛlɛ kɛ be yi bé sa nga be yo'n be nglo.

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Ezai 55:9

Kɛ nyanmiɛn'n b'ɔ la nglo lɔ plaii'n nin asiɛ'n be afiɛn'n fa ti nun fuun ju'n, i kunngba'n yɛ min atin'n bɔ n fa su'n nin amun liɛ'n be fa ti-ɔ, yɛ i kunngba'n yɛ min klun akunndan'n nin amun liɛ'n be fa ti-ɔ.

Ezai 7:11

«Usa nzɔliɛ kun min bɔ n ti Anannganman ɔ Nyanmiɛn'n min sa nun b'ɔ ´kle kɛ n ´suan ɔ bo. Sɛ asiɛ'n su wa nzɔliɛ o, se nglo lɔ nzɔliɛ o, ɔ li usa.»

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.