Nyanndra Mun 24:5 - NYANMIƐN NDƐ'N 1998

⁵ Sran kun b'ɔ o sa'n, i akunndan ng'ɔ o i ti nun'n yɛ ɔ mɛn i wunmiɛn nin-ɔn. I ngwlɛlɛ b'ɔ si i'n yɛ man ɔ kwla-a.

Nyanndra Mun 24:5 ပူးပေါင်းရင်းမြစ်များ

Jue Mun 84:7

Kɛ be sin sunlɛ kongo nun'n, kpɛkuun Nyanmiɛn kaci i nzue lika, yɛ nzue klikli ng'ɔ tɔ'n ɔ jranjran lika'm be nun.

Nyanndra Mun 10:29

Anannganman sasa sran kpa'n kɛ klɔ bɔ b'a si i wun'n sa. Sanngɛ sran nga sa tɛ'n yɛ be waan be fa man be man be yo'n, ɔ nunnun be.

Nyanndra Mun 21:22

Klɔ nga bɔ be si i wun kpa'n, bɔ be waan nán be kpɔfuɛ'n i ja tia su'n, sran ng'ɔ si akunndan'n ɔ kwla utu i sɔ klɔ'n, yɛ ɔ kwla bubu i wun talɛ'n bɔ be lafi su'n.

Nyanndra Mun 24:6

Sɛ a ´kɔ alɛ kunlɛ'n, nian ɔ́ wun kpa. Sɛ a usa ngwlɛlɛ afɛ sran sunman sa nun'n yɛ a nyan jranwlɛ-ɔ.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Akunndanfuɛ'n 7:19

Ngwlɛlɛfuɛ'n kannzɛ ɔ ti kunngba'n, ɔ lɛ fanngan tra klɔ nga i siefuɛ'm be ju blu'n.

Ezai 36:5

?Kɛlɛ a bu i kɛ ndɛ ngbɛn-ngbɛn bɔ be kan'n yɛ be fa kun alɛ nin-ɔn? Be dun mmua jaja alɛ'n i wafa nga be ko nian su be ko kun'n, kpɛkuun be tra be anwlɛn yɛ be kun-ɔn! ?Nan wan su yɛ a fa ɔ wla'n gua bɔ i ti yɛ a jaso mín wun nin-ɔn?

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.