3 Akunndan'n yɛ be fa kplan sua-a. Ngwlɛlɛ'n kusu yɛ man ɔ jran-an.
Man be manman ɔ dunman'n tititi. Man be se kɛ: ‹Anannganman b'ɔ sie mɛn wunmuan'n yɛ ɔ ti Izraɛl Nyanmiɛn nin-ɔn.› Yɛ man min osu'n nyan wunmiɛn titi.
Bla ng'ɔ ti ngwlɛlɛfuɛ'n, ɔ siesie i awlo'n. Bla ng'ɔ ti sinnglinfuɛ kusu'n ɔ saci i awlo liɛ'n.
Akunndan'n ɔ kplɛnnin i sua, ɔ siesieli sua sɔ'n i ja nso.
I kwlalɛ b'ɔ kwla'n ɔ man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.
Afin e nin Nyanmiɛn yɛ e di junman nin-ɔn. An ti kɛ Nyanmiɛn i fie sa, yɛ an ti kɛ i sua b'ɔ su kplan sa .
ɔ man i ti an jran kekle kɛ sua bɔ be wlɛ i bo ase kpa'n sa. An `lafi i su kpa kɛ be kleli amun'n sa, an `lɛ i ase tititi.