Nyanndra Mun 24:23 - NYANMIƐN NDƐ'N 1998

²³ Akunndanfuɛ'm be ndɛ nga be kannin'n i wie ekun yɛ. Sɛ be ´di jɔlɛ'n, ndɛ kwlɛ dilɛ'n ɔ ti-man kpa.

Nyanndra Mun 24:23 ပူးပေါင်းရင်းမြစ်များ

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Zɔb I Nyrɛnnɛn Wunlɛ 13:8

?Nyanmiɛn sin yɛ amun su jran-an? ?I ti li yɛ amun su kpli-ɔ?

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Nyanndra Mun 1:6

Sɛ ngwlɛlɛfuɛ sɔ'm be ti nyanndra nga be bu be'n, be ´si bé bo, yɛ kosan nga be blublu su'n, be `wun i wlɛ. Yɛ i waan ɔ ´bu i sɔ nan ngwlɛlɛfuɛ'm be ndɛ nga be kan'n nin be akunndan nga be bu'n, be `wun bé sin.

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 22:17

Sie ɔ́ su diin tie i kpa. Ngwlɛlɛ ndɛ yɛ n su kan kle wɔ lɛ-ɔ. Akunndan nun ndɛ nga n ´kan kle wɔ yɛ, man ɔ wlu ɔ́ su nun.

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Jean 7:24

Nán an nian sran i wafa ng'ɔ ti'n an fa di ndɛ'n, sanngɛ an `di ndɛ nanwlɛ su.

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.