Nyanndra Mun 24:19 - NYANMIƐN NDƐ'N 1998

¹⁹ Be nga be klun yo wi'n, nán se kɛ a nin be ´si akplowa yo like. Nán se kɛ a ´nian be like liɛ bɔ be yo'n su a ´yo wie.

Nyanndra Mun 24:19 ပူးပေါင်းရင်းမြစ်များ

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 119:115

Klunwifuɛ mun, amun `jaso min nyrun lɛ, man n fa min Nyanmiɛn i mmla'm bé su.

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Jue Mun 73:3

Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 23:17

Nán ɔ́ nyin ka klunwifuɛ'm bé sin, aliɛ ba blu-nin-nso nun'n, man ɔ́ nyin yi Anannganman.

Nyanndra Mun 24:1

Nán sɔnnzɔn klunwifuɛ mun. Nán a nin be san nun.

Nyanndra Mun 24:18

Sɛ a yo sɔ-ɔ, Anannganman klun su jɔ-man ɔ́ wun. Yɛ sɛ ɔ gugu kɛ ɔ ´tu i fɔ-ɔ, ɔ su tu-mɛn i kun.

Kalɛ 16:26

Ɔ seli nvlefuɛ'm be kɛ: «Amun `jaso sa tɛ yofuɛ nga'm bé tannin sua'm bé wun lɛ. Nán amun kan bé sa nun like fi, afin sɛ amun kan be'n, amun nin be be ´wu bé sa tɛ'm bé ti.»

2 Korɛntfuɛ Mun 6:17

I sɔ'n ti'n, e Min Nyanmiɛn seli kɛ: «An `jao be nun, nán an fa amun wun mantan be. Nán an kan fiɛn , yɛ n ´sɔ amun nun.

Efɛzfuɛ Mun 5:11

Nán amun nin be nga be fa aosin'n kata bé nyin be yo sa b'ɔ yo-man sa fi ye'n mun di, sanngɛ an `yo man be wun sa sɔ'm be wlɛ.

Sa nglô yile 18:4

Yɛ n tili sran kun ekun nɛn nyanmiɛn su lɔ, ɔ seli kɛ: «N sran mun, an `fin klɔ'n nun fite nan amu'an yo-man sa tɛ ng'ɔ yo'n wie, an fite nan nyrɛnnɛn ng'ɔ wa tɔ i su'n ɔ'a tɔ-man amun su wie .