Nyanndra Mun 24:17 - NYANMIƐN NDƐ'N 1998

¹⁷ Sɛ ɔ kpɔfuɛ'n tɔ'n, nán ɔ klun jɔ i sɔ'n ti. Yɛ sɛ sa nyɛn i'n, nán ɔ klun jɔ i sɔ'n ti.

Nyanndra Mun 24:17 ပူးပေါင်းရင်းမြစ်များ

2 Samiɛl 3:32

Be sieli Abnɛr Ebrɔn lɔ. Famiɛn'n tikeli i ti sunnin Abnɛr i asieliɛ'n su. Sran'm be kwlaa be sunnin wie.

Zɔb I Nyrɛnnɛn Wunlɛ 31:29

?Kɛ sa tɔ min kpɔfuɛ'n i su'n, kɛ nyrɛnnɛn sa ɔ nyɛn i'n, n klun jɔ?

Jue Mun 35:15

Be liɛ su'n, kɛ n ko tɔ'n, be yia kpɛkuun be sri min. Be yia be kputu min n si-man nun. M'an kaci kɛ tannin tafuɛn sa bé sa nun.

Jue Mun 35:19

Nán be bɔ be kpɔ min ngbɛn sɔ'n be klun jɔ min ti. Be bɔ b'a fua min ti ngbɛn sɔ'n, nán man be kpɛ min kannglɛ tɛ .

Jue Mun 42:10

N usa Nyanmiɛn b'ɔ ti kɛ yɛbuɛ sa bɔ n talo i'n kɛ: «?Ɔ yo sɛ ti yɛ ɔ wla ɔ'a fi min-ɔn? ?Ɔ yo sɛ ti yɛ a yo man min kpɔfuɛ'm be mianmian min bɔ mín wla'n ɔ bo min wun-ɔn?»

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Nyanndra Mun 24:18

Sɛ a yo sɔ-ɔ, Anannganman klun su jɔ-man ɔ́ wun. Yɛ sɛ ɔ gugu kɛ ɔ ´tu i fɔ-ɔ, ɔ su tu-mɛn i kun.

Abdias 1:12

?Edɔmfuɛ mun, i nun bɔ amun niaan Zidafuɛ'm be ´wun be nyrun'n, ɔ fata kɛ amun ko jran nian be nan amun sri be? ?Edɔmfuɛ mun, kɛ Zidafuɛ'm be mɛn'n boli'n bɔ i nyin utuli ase'n, ɔ fata kɛ amun ko jran be sri? ?Kɛ be o awlaboɛ nun'n, ɔ fata kɛ amun jran kpɛ be nzowa?

Mise 7:8

E kpɔfuɛ mun nan, nán an sri ye. E tɔli sɔ, sanngɛ e ´jaso. Aosin'n li ɔ'a lu ye su sɔ, sanngɛ Anannganman'n ti é kannin.

Jɔlɛ Difuɛ Mun 16:25

Kɛ be klun jɔli dan'n ti, be seli kɛ: «Amun `fa Samsɔn bla nan ɔ wa kan ngowa kan kle ye.» Be ko fali Samsɔn bisua lɔ bali. Ɔ wa yili srilɛ kleli be. Yɛ be sieli i sua'n i kuatrɛn nnyɔn'm be afiɛn-ɔn.