Nyanndra Mun 24:16 - NYANMIƐN NDƐ'N 1998

¹⁶ Afin sran kpa'n, blɛ wie nun ɔ kwla tɔ. Sɛ ɔ tɔ kpɛ nso sɔ bɔbɔ'n, sanngɛ ɔ jaso. Klunwifuɛ'm be liɛ'n, kɛ sa'n ko nyan be'n, wuun i ala!

Nyanndra Mun 24:16 ပူးပေါင်းရင်းမြစ်များ

Bo Bolɛ 19:35

Yɛ kɔnguɛ sɔ'n be ´man bé si'n i nzan ɔ ´bo yɛ ba bla kasiɛn'n nin i be ´ko la-a. Kɛ talua'n wa la o, kɛ ɔ ´jaso o, bian'n ɔ'a wun-man nun.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 34:19

Anannganman mantan be nga be akunndan'n ɔ'a sanngan'n. Yɛ ɔ de be nga bé wla'n ɔ'a bo'n.

Jue Mun 34:21

Ɔ niɛn i wunnɛn'n i akpɔlɛ'm be ngba su, i owie kun sa bu-man.

Jue Mun 37:24

Sɛ ɔ tɔ'n, ɔ ka-man asiɛ wun lɛ, afin Anannganman suɛn i bo.

Jue Mun 52:5

A klo sa tɛ'n tra sa kpa'n. A klo ato'n tra nanwlɛ'n.

Jue Mun 7:16

Ɔ'a kpɛ kunman kploun kpa kun, kpɛkuun i bɔbɔ ɔ'a kaci ɔ'a tɔ nun.

Jue Mun 79:12

Min Min, be nga be mɛn'n mantan e liɛ'n b'a klɔklɔ wɔ. Ɔ nzowa nga be kpɛli wɔ'n, man be nyɛn i su sa sɔ kpɛ nso.

Nyanndra Mun 13:17

Sran nga i klun yo wi'n, sɛ be sunmɛn i-ɔ, ɔ tɔ sa tɛ'n nun. Sran nga kusu b'ɔ ti sran kpa'n, sɛ be sunmɛn i-ɔ, ɔ siesie ndɛ ye.

Nyanndra Mun 13:21

Be nga be yo sa tɛ'n, sa yaci-man bé su tɔlɛ le. Muae'n kusu yɛ ɔ ti sran kpa'm be liɛ-ɔ.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Nyanndra Mun 24:22

Afin awieliɛ'n ´wie be cɛn ba kunngba. ?Sa nga Anannganman wa fa wla be nun'n, wan yɛ ɔ si-ɔ?

Nyanndra Mun 6:15

Cɛn nga sa ´tɔ i su'n, ɔ ti le kunngba. Be kunndɛ i ayre kusu-ɔ be su nyɛn-mɛn i. Awieliɛ tɛ'n yɛ ɔ ´wie i wia ba kunngba bo-ɔ.

Zeremi 18:17

Kɛ be nyinma ´gua be kpɔfuɛ'm bé wun cɛ'n, wuun m'an yo man b'a bo b'a sanndi. Be nyrɛnnɛn cɛn sɔ nun'n, n ´kaci n sin n ´si be.»

Zeremi 8:4

«Se be kɛ: ‹Anannganman'n wan yoo: ?Nan be tɔ-ɔ be jaso-man? ?Nan be ´kɔ lika nan be mlin'n, be sa-man be sin?

Ezekiɛl 7:5

Anannganman Nyanmiɛn'n wan yoo: ‹Ɔo nyrɛnnɛn! Nyrɛnnɛn bɔ be nian wun-mɛn i wunsu le'n yɛ ɔ ´ba lɛ.

Amɔs 5:2

Izraɛl, kɛ a la lɛ'n yɛ a la-a, a su jaso-man kun. Kɛ a la wɔ asiɛ'n su lɛ'n, nán kɛ a ´nyan sran man wɔ su ti-ɔ.

Amɔs 8:14

Kpɛkuun be nga bɔ be fa Samari amuɛn'm be fa ta nda'n, ɔ nin be nga be di amuɛn be se kɛ: ‹N kan Dan lɔ amuɛn'n ti'n!› annzɛ kusu: ‹N kan Beɛr-Seba amuɛn'n ti'n,› be kwlakwla sɔ'm be ´tɔ. Be tɔ kusu-ɔ be su kwla jaso-man kun.»

Kalɛ 32:23

Sanngɛ sɛ amu'an yo-mɛn i sɔ'n, wuun amu'an fɔn Anannganman'n i wun. Kusu man amun si jrɛiin kɛ, sa tɛ nga amun yoli'n, amun wa fɛ i su afɛ'n.

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

1 Samiɛl 26:10

N kan Nyanmiɛn, i bɔbɔ ko kun i. Sɛ i nyanmiɛn su wie yɛ ɔ ´kun i o, sɛ kusu ɔ ´wu alɛ'n nun o, i kwlaa o Nyanmiɛn sa nun.

1 Samiɛl 31:4

Yɛ Sail seli i alɛ ninnge'n suafuɛ'n kɛ: «Yi ɔ tokofi'n fa kun min, ɔ'a yo-man sɔ-ɔ, sran nga b'a wla-man be klɛn yɛ'n be yɛ be wa kun min sa ngbɛn-ɔn, kpɛkuun be ´yo min finfin,» sanngɛ srɛ'n b'ɔ ´kun i alɛ ninnge suafuɛ'n ti'n ɔ'a di-man su. Yɛ Sail bɔbɔ kplɛnnin i tokofi'n asiɛ wun yɛ ɔ tu tɔli su-ɔ.