Nyanndra Mun 24:13 - NYANMIƐN NDƐ'N 1998

¹³ Mín wa, nɔn awɛma nzue'n, afin ɔ ti kpa. Ɔ yo fɛ.

Nyanndra Mun 24:13 ပူးပေါင်းရင်းမြစ်များ

Jue Mun 119:103

Sa nga ɔ waan a ´yo be man min'n be yo min fɛ lele bobo su. Be fɛ'n ɔ tra awɛma nzue.

Jue Mun 19:10

Be nyin b'ɔ yi Anannganman'n ɔ ti like kpa. Ɔ sin-man le. Anannganman i jɔlɛ ng'ɔ di be'n, be ti i su. Ɔ lɛ-man kun b'ɔ ti-man nanwlɛ-ɔ.

Nyanndra Mun 16:24

Klolɛ ndɛ'n ti kɛ awɛma nzue sa, ɔ ti nɛnkɛn-nɛnkɛn, yɛ ɔ yo be wunnɛn'n i juejue.

Nyanndra Mun 25:16

Sɛ a nyan awɛma nzue'n, di ng'ɔ ju wɔ'n. Ɔ ti-mɛn i ti-ɔ, sɛ ɔ fian ɔ klun-ɔn, a ´fi.

Nyanndra Mun 25:27

Awɛma nzue nɔnlɛ ngboko'n ti-man kpa. Dunman klanman kunndɛlɛ ngboko'n kusu ti-man kpa.

Nyanndra Mun 27:7

Sran nga bɔ i ku ti yiwa'n, kannzɛ be mɛn i awɛma nzue-ɔ, ɔ di-man. Sanngɛ sran nga bɔ awe kun i'n, kannzɛ man like'n ɔ yo wi sɛ, sanngɛ ɔ yo fɛ i nuan nun.

Ngɔjue Fɛfɛ Kpa'n 4:11

Min yi, ɔ nuan bui'm be su ti nɛnkɛn-nɛnkɛn kɛ awɛma nzue sa. Ɔ taaman'n i bo ti awɛma nzue nin nɔnnɔn ngunmin. Ɔ tralɛ'm be bɔn klanman kɛ Liban waka mun sa.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ezai 7:15

Ɔ ´nɔn nɔnnɔn nin awɛma nzue lele san ɔ ´si like ng'ɔ ti-man kpa'n nin ng'ɔ ti kpa'n be ngbaciɛ.

Matthieu 3:4

Nyɔnngɔnmɛn ndrɛ tralɛ o Zan wun, yɛ kplo kun ci i afiɛn. Lalo nin wɛma nzue yɛ ɔ di-ɔ .

Jɔlɛ Difuɛ Mun 14:9

Ɔ yili awɛma nzue'n wie. Kɛ ɔ ´kɔ'n, wuun ɔ ´di. Kɛ ɔ sɛli i sin i si nin i nin bé wun wa'n, ɔ mannin be wie be dili, sanngɛ ɔ'a se-man be kɛ ɔ yili i asɔmɔli'n i fuɛn'n nun.

1 Samiɛl 14:27

Zonatan kusu, kɛ i si man sran'm be ´ta nda sɔ'n, ɔ'a wun-man nun, ɔ man ɔ fali waka b'ɔ o i sa nun'n i bue nuan'n fa kplannin awɛma'm be sua'n nun nan ɔ'a fa kɛn i nuan, kpɛkuun i nyinma su ɔ'a klo.