Nyanndra Mun 24:12 - NYANMIƐN NDƐ'N 1998

¹² Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 24:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:11

Sa nga sran yo'n i nuan akatua yɛ ɔ fa mɛn i-ɔ. I nantilɛ'n su yɛ ɔ nian fa mɛn i ninnge mun-ɔn.

Jue Mun 121:3

Ɔ su kplin-man su kɛ ɔ́ ja'n ɔ seli. Ɔ su nianfuɛ sɔ'n ɔ su lafi-man .

Jue Mun 121:8

Sɛ a ´tu ajalɛ'n, Anannganman ´nian ɔ́ su, ɔ kɔlɛ nun o, ɔ sin salɛ nun o. Kɛ ɔ fin ndɛ'n, ɔ ´nian ɔ́ su sɔ tititi!

Jue Mun 17:3

Sɛ a nian min anwlɛn'n nun lɔ'n, sɛ kɔnguɛ bɔbɔ a nian min anwlɛn'n nun lɔ sa mun'n, sɛ a sa min nian'n, a su wun-man sa tɛ min nun. N kan-man ndɛ tɛtɛ kɛ sran wie'm be yo'n sa.

Jue Mun 44:21

?Sɛ e wla fili wɔ'n, sɛ e fali like uflɛ e suli i'n,

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Jue Mun 66:9

Ɔ man e nguan, ɔ yo man e ja'n kpla-man.

Jue Mun 7:9

Anannganman, wɔ bɔ a di nvle-nvlefuɛ'm be jɔlɛ'n, kan min ti ndɛ man min, afin m'an yo-man sa.

Jue Mun 94:9

?Sran ng'ɔ sieli bé sukpɔ'n, be waan i bɔbɔ ti-man sa? ?Sran ng'ɔ yili be nyinma'n, be waan i bɔbɔ wun-man ase?

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 16:2

Like nga sran kun yo i sa'n, ɔ bu i klun lɔ kɛ like sɔ'n ti kpa i ti yɛ ɔ yo-ɔ, sanngɛ sran ng'ɔ si e klun akunndan mun'n yɛlɛ Anannganman .

Nyanndra Mun 21:2

Like nga sran bɔbɔ yo'n, ɔ ti kpa i nyrun, sanngɛ sran nga b'ɔ sunnzun sran klun akunndan'n yɛlɛ Anannganman.

Nyanndra Mun 5:21

Atin nga sran kun fɛ i sa'n, ɔ lɛ-man kun nga Anannganman nyin ta-man su-ɔ . Ɔ wun i ngba'n kwlakwla kpan!

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Ngwlɛ Yilɛ 3:36

kɛ be wun nanwlɛ'n jrɛiin bɔ kpɛkuun be di ndɛ kwlɛ'n, ?Kɛlɛ, be bu i kɛ Anannganman o lɔ ɔ wun-mɛn?

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Sa nga bé yôli'n 17:28

I yɛ ɔ man e nguan-an, i ti yɛ e o lɛ bɔ e kwla kan e wun-ɔn. Ndɛ sɔ'n yɛ amun jue kpɛfuɛ wie'm be kannin nin-ɔn, be seli kɛ: ‹E kusu e ti i wa wie.›

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

Rɔmfuɛ Mun 2:6

yɛ like nga sran kun yoli'n, ɔ ´mɛn i nuan like .

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 2:18

«Nian ndɛ nga n klo kɛ a klɛ ko man Tiatir lɔ asɔnun'n i anz'n yɛ: ‹M bɔ n ti Nyanmiɛn Wa'n, bɔ min nyinma'm be sɔ kɛ sin sa'n, bɔ n ja'm be ti kɛ aaba bɔ b'a kpitɛ i wun sa'n, n se kɛ yoo :

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 22:12

Jésus seli kɛ: «Nian, m ´ba icra'n! Yɛ like nga sran'm be yoli'n, i kwlaa i nuan like'n wo ń sa nun, n ´fa man be .

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»

1 Samiɛl 2:3

Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.

1 Samiɛl 2:6

Anannganman man sran wu, i kunngba'n man sran nyan nguan. I kunngba'n ɔ fa sran kɔ blɔlɔ, i kunngba'n ɔ yi sran blɔlɔ lɔ fite.

1 Samiɛl 25:29

Sɛ sran kun jaso ɔ su ɔ́ su nan i waan ɔ ´kun wɔ'n, Anannganman ´sasa wɔ. Yɛ ɔ ´finndin ɔ kpɔfuɛ'n yi i lɔ kɛ be fa kpafloko to yɛbuɛ'n sa.