Nyanndra Mun 24:1 - NYANMIƐN NDƐ'N 1998

¹ Nán sɔnnzɔn klunwifuɛ mun. Nán a nin be san nun.

Nyanndra Mun 24:1 ပူးပေါင်းရင်းမြစ်များ

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 26:9

Sa nga a fa yo sa tɛ yofuɛ mun'n, nán fɛ i kunngba'n yo min wie! Nán yi min nguan'n min nun kɛ sran kunfuɛ'm be liɛ'n sa.

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Jue Mun 73:3

Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 23:17

Nán ɔ́ nyin ka klunwifuɛ'm bé sin, aliɛ ba blu-nin-nso nun'n, man ɔ́ nyin yi Anannganman.

Nyanndra Mun 24:19

Be nga be klun yo wi'n, nán se kɛ a nin be ´si akplowa yo like. Nán se kɛ a ´nian be like liɛ bɔ be yo'n su a ´yo wie.

Nyanndra Mun 3:31

Anwlɛn fufufuɛ'm be like nga be yo'n nán nian su yo wie. Be atin nga be fa su'n, nán fa wie fi su.

Nyanndra Mun 4:14

Klunwifuɛ'm be sinwlɛ liɛ'n nán fa su wie, sran nga i klun ti tɛ'n, i atin liɛ'n, nán ɔ́ ja kpɛn nun.

Nyanndra Mun 4:15

Nán wunnge i wun, nán sin nun mlɔnmlɔn. Sɛn i wun, bli sin lika uflɛ.