Nyanndra Mun 23:4 - NYANMIƐN NDƐ'N 1998

⁴ Nán kle ɔ́ wun yalɛ ngboko kɛ a ´nyan ɔ́ wun. Nán bu i akunndan beblebe .

Nyanndra Mun 23:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 27:19

Kɛ be ´la'n, be ti anyanbeunfuɛ, sanngɛ i sɔ'n ɔ cɛ-man. Sɛ be wu'n, like fi nun-man lɛ kun.

Nyanndra Mun 15:27

Sran nga i waan ɔ su kpli nyɛn i wun'n, i awlo'n i bolɛ i wun atin yɛ ɔ su kpɛ i lɛ-ɔ. Sran nga kusu bɔ be cɛ i like kɛ ɔ bua ato-ɔ ɔ kplin-man su'n, ɔ ´cɛ cɛcɛcɛ .

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Nyanndra Mun 27:24

Afin anyanbeun'n ka-man sran kun sa nun mlɔnmlɔn. Ɔ bɔbɔ a si jrɛiin kɛ famiɛn kle'n ka-man awlo kunngba nun tititi.

Nyanndra Mun 28:20

Sran nga b'ɔ nian sa ng'ɔ ti i su'n su yo'n, san muae cɛ yɛ ɔ ´nyɛn i-ɔ. Sanngɛ sran nga bɔ i waan ɔ ´kpli nyɛn i wun'n, san ɔ ´tɔ nyrɛnnɛn nun.

Nyanndra Mun 3:5

Nán lafi ɔ bɔbɔ wɔ akunndan liɛ'n su. Anannganman i su yɛ lafi-ɔ.

Nyanndra Mun 3:7

Nán bu ɔ wun kɛ a si akunndan, man ɔ́ nyin yi Anannganman, nán yo tɛ .

Akunndanfuɛ'n 5:13

Kɛ sanvuɛsa wa tɔ i su'n, kpɛkuun i sɔ anyanbeun liɛ'n kwlaa ɔ'a tu anunman i sa nun. I ti ba yasua ng'ɔ wuli i'n, ɔ nyan-man like fi.

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Zeremi 9:22

Anannganman'n wan yoo: «Nán ngwlɛlɛfuɛ'n fɛ i ngwlɛlɛ di i nuan. Nán wunmiɛnfuɛ'n fɛ i wunmiɛn'n di i nuan. Nán anyanbeunfuɛ fɛ i anyanbeun di i nuan.

Matthieu 6:19

«Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa.

Marc 4:19

sanngɛ mɛn'n nun ninnge'n i ngokoɛ'n, nin anyanbeun i klolɛ'n, nin bé nyin b'ɔ blo ninnge wie'm be su'n, ɔ tra Nyanmiɛn ndɛ'n, ɔ man ndɛ sɔ'n yo-man kpa.

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»