Nyanndra Mun 23:18 - NYANMIƐN NDƐ'N 1998

¹⁸ I liɛ'n, ɔ klun kwla jɔ cɛn wie, sa nga a sunnzun'n ɔ ´ju.

Nyanndra Mun 23:18 ပူးပေါင်းရင်းမြစ်များ

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 58:11

Sran nga Nyanmiɛn bu i sran kpa'n, i klun'n ´jɔ afin ɔ ´wun kɛ Nyanmiɛn ɔ'a tu i klunngbɔ sran wlɛfuɛ'm be su ɔ'a mɛn i. I sɔfuɛ'n be tiatia klunwifuɛ'm be mmoja'n nun.

Jue Mun 9:18

Man sa tɛ yofuɛ'm be wu wɔ blɔlɔ, afin bé wla fi Nyanmiɛn.

Nyanndra Mun 24:14

Kɛ awɛma nzue'n fa ti'n yɛ ngwlɛlɛ'n fa ti-ɔ. Sɛ a si ngwlɛlɛ-ɔ ɔ nyrun atin'n ´yo weiin. Like nga a sunnzun'n, ɔ ´yo ye, yɛ blɛ ng'ɔ ´ba lɔ nun'n, ɔ klun ´jɔ.

Nyanndra Mun 24:20

Afin be liɛ'n, be lɛ-man like be nyrun lɔ. Be nguan'n ti kɛ kannin b'ɔ su nuan'n sa.

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.

JÉSUS-CHRIST I DYASIN FE'N BO LUC KLELI'N 16:25

Yɛ Abraam seli i kɛ: ‹?N wa, ɔ́ wla fi kɛ kɛ a wo asiɛ'n su lɔ'n, a nyannin ɔ ninnge kpakpa'n kwlaa? Lazar kusu wunnin i nyrun. Siɛn'n, ɔ o wa, i wla a gua ase, ɔ kusu a su wun ɔ nyrun.

Filipfuɛ Mun 1:20

Like nga ń wla'n wo su'n, bɔ n kunndɛ i kpa'n, yɛlɛ kɛ nán man like fi kun min nyannzuɛn, sanngɛ n ´tra min anwlɛn kɛ e ´se yɛ'n nin cɛn kwlaa lelele sɛ n ´nyan nguan o, sɛ n ´wu o, like nga n ´yo'n i kwlaa ba Krist nyrunnyan,

Hébreu 10:35

Nán an yi amún nyin like nga amún wla o su'n su, afin mo yolɛ dan kpa o su!