Nyanndra Mun 22:9 - NYANMIƐN NDƐ'N 1998

⁹ Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Nyanndra Mun 22:9 ပူးပေါင်းရင်းမြစ်များ

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Nyanndra Mun 11:17

Sran nga i klun ti ufue'n, i bɔbɔ wun kpa yɛ ɔ ´yo i lɛ-ɔ. Sran nga bɔ i klun yo wi'n, ɔ yo i bɔbɔ i wun tɛ.

Nyanndra Mun 11:25

Sran nga bɔ i klun ti ufue'n, ɔ nyɛn i klun-ufue sɔ'n i su nvasuɛ. Sran nga b'ɔ mɛn i wiengu nzue'n i kusu ɔ nyan nzue nɔn .

Nyanndra Mun 11:27

Sran nga sa kpa'n yɛ ɔ kunndɛ yo'n, i wun yo Nyanmiɛn fɛ. Sran nga kusu bɔ sa tɛ'n yɛ ɔ kunndɛ yo'n, san ɔ ´nyan sa tɛ'n le.

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 21:13

Sran nga bɔ kɛ nyrɛnnɛnfuɛ'n ´kpan-an ɔ bu i sukpɔ nun waka'n, i sɔfuɛ'n, cɛn ng'ɔ ´kpan kɛ: «Be `de min o!» Ɔ su nyan-man sran tɛ-mɛn i su .

Nyanndra Mun 28:24

Sran kun nga bɔ ɔ wua i si nin i nin b'ɔ se kɛ: «N kpa'n, nguɛ sa tɛ yɛ n yoli'n,» i sɔ sran'n nin kodiawiefuɛ'n be ti kun.

Nyanndra Mun 28:27

Sran nga b'ɔ lɛ like-ɔ ɔ man yalɛfuɛ'n wie'n, like tu-mɛn i sa nun mlɔnmlɔn. Sran nga kusu b'ɔ wun yalɛfuɛ-ɔ ɔ muɛn-muɛn i nyinma'n, i sɔ sran liɛ'n i sannzan bofuɛ'm be sɔnnin.

Nyanndra Mun 31:20

Be nga be o nyrɛnnɛn nun'n, ɔ uka be.

Ezai 32:8

Sanngɛ sran kpa'n i liɛ'n, akunndan kpa cɛ yɛ ɔ bu-ɔ. Yɛ sa kpa cɛ yɛ ɔ yo-ɔ.

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

Marc 7:22

bla bé yi bo kunndɛlɛ annzɛ bian bé wun bo kunndɛlɛ, bé nyin b'ɔ yi-man like'n, klunwi, gblɛ, sa sukusuku yolɛ, anyinbloɛ, sran wun ndɛ kanlɛ, wun tulɛ nin sinnzin yolɛ.

JÉSUS-CHRIST I DYASIN FE'N BO LUC KLELI'N 14:13

Sanngɛ sɛ a ´di cɛn'n, flɛ yalɛfuɛ mun flɛ be bɔ bé sa nin bé ja ti wuwa'n, nin cɛcɛwafuɛ mun, nin anyansifuɛ mun.

Sa nga bé yôli'n 20:35

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Mmla'n 28:56

Bla kpa ng'ɔ ti wɛtɛɛfuɛ'n, b'ɔ klo sran'n, bɔ i ja sa kan-man asiɛ'n, i bɔbɔ i wun b'ɔ jɛ i'n, nin i wa yasua, ɔ nin i wa bla'n, bé wun ɔ ´yo i tɛ.

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

1 Piɛr 4:9

Sran ng'ɔ to amun'n, an `sike i, nán an ijɔ amun konviabo.