Nyanndra Mun 22:7 - NYANMIƐN NDƐ'N 1998

⁷ Sikafuɛ yɛ ɔ sie yalɛfuɛ-ɔ. Sran ng'ɔ fa like sran sa nun'n, ɔ kaci kɛ sran sɔ i akua sa.

Nyanndra Mun 22:7 ပူးပေါင်းရင်းမြစ်များ

2 Famiɛn Mun 4:1

Le kun Nyanmiɛn i nuan ijɔfuɛ'm be nun kun i angboti'n ko sun kleli Elize. I waan: «A si kɛ mín wun'n suli Anannganman kpa, yɛ ndɛ ɔ nun-man nun kun. Kpɛkuun sran nga e fali like i sa nun'n, ɔ'a ba mín mma'm be falɛ. I waan ɔ ´fa be ko yo i kanga mun.»

Nyanndra Mun 14:31

Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 18:23

Yalɛfuɛ'n ´ijɔ-ɔ, ɔ ijɔ amanniɛn su, sanngɛ sikafuɛ'n kɛn i liɛ'n wunmiɛn su.

Nyanndra Mun 22:16

Sran ng'ɔ kle yalɛfuɛ'n i yalɛ'n, wuun ɔ su mɛn i anyanbeun. Sran nga kusu b'ɔ cɛ wlengbifuɛ like'n, i bɔbɔ di yalɛ.

Nyanndra Mun 22:22

Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Ezai 24:2

Sa ng'ɔ ´ju Nyanmiɛn nyrun jranfuɛ'n i su'n, ɔ ´ju nvle'n nunfuɛ'm be su wie, ng'ɔ ju awlo bo kpɛn i su'n, ɔ ´ju i sufuɛ yasua'n i su wie, ng'ɔ ju awlo bo kpɛn'n i yi'n i su'n, ɔ ´ju i afanniɛn bla'n i su wie, ng'ɔ ju like atɛ yofuɛ i su'n, ɔ ´ju like tofuɛ'n i su wie, ng'ɔ ju sran b'ɔ be fɛ like i sa nun'n i su'n, ɔ ´ju sran ng'ɔ fɛ like'n i su wie ng'ɔ ´ju sran bɔ bo bosia'n i su'n, ɔ ´ju sran nga be bo i bosia'n i su wie.

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Amɔs 8:6

An yo ble'n nin i wla'n i atɛ sran'm bé sa nun. An fa be bɔ be lɛ-man like'n be kaci amun kanga. Sɛ amun ngbabua nnyɔn cɛ kalɛ o yalɛfuɛ nin sran ng'ɔ lɛ-man like'n be su, nan be kwla yi-man'n, an fa be sɔfuɛ mun yo amun kanga.

Matthieu 18:25

Kɛ ɔ lɛ-man like fi nan ɔ'a fa tua kalɛ sɔ'n, i min'n seli kɛ be `yo i bɔbɔ, nin i yi, nin i mma mun, ɔ nin i bo ninnge'n kwlaa be atɛ be `fa tua kalɛ sɔ'n.

Jacques 2:6

Sanngɛ amun liɛ'n, an bu-man yalɛfuɛ'm be sran. ?Nán anyanbeunfuɛ mun yɛ be mianmian amun be fa amun kɔ jɔlɛ difuɛ'm be ja su nin-ɔn?

Jacques 5:1

Anyanbeunfuɛ mun, an `sie amún su! Nyrɛnnɛn b'ɔ wa tɔ amún su'n ti'n, an `bo awuyomo, yɛ an `sun!

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .